રાજકોટ મહાનગરપાલિકાની સોલિડ વેસ્ટ મેનેજમેન્ટ શાખામાં કાયમી ધોરણે સફાઈ કામદારોની ભરતી કરવાની માંગ સાથે લાંબા સમયથી યુનિયનના નેતા પારસ બેડીયા દ્વારા આંદોલન ચલાવવામાં આવી રહ્યું છે અગાઉ અનેક વખત રજૂઆતો કરી આવેદનપત્રો પાઠવવામાં આવ્યા બાદ પણ ભરતી કરવામાં આવતી ન હોય આજે અંદાજે 300થી વધુ સફાઈ કામદારો રેલી સ્વરૂપે સેન્ટ્રલ ઝોન કચેરીએ થસી આવ્યા હતા અને કોર્પોરેશન ચોકમાં રસ્તા ઉપર બેસી જઈને ચક્કાજામ સજીર્ દીધો હતો.
સફાઈ કામદારોની મુખ્ય માંગણીઓ એવી છે કે તેમના તમામ પડતર પ્રશ્નો ઉકેલવામાં આવે તેમજ કાયમી ધોરણે સફાઈ કામદારોની ભરતી કરવામાં આવે છેલ્લા 25 વર્ષમાં રાજકોટ શહેરમાં 10થી વધુ ગામો ભળી જતા વસ્તી અને વિસ્તાર વધ્યા છે પરંતુ સફાઈ કામદારોની સંખ્યા જેટલી હતી એટલી જ રહી છે.આથી સ્ટાફ સેટઅપ રિવાઇઝ કરવામાં આવે અને અંદાજે 6,000થી વધુ સફાઈ કર્મચારીઓની કાયમી ધોરણે ભરતી કરવામાં આવે. જ્યારે બીજી બાજુ મહાપાલિકા તંત્ર કોન્ટ્રાક્ટ બેઝ પર કામદારો ની ભરતી કરે છે મતલબ કે કામદારોને પગાર કોન્ટ્રાક્ટર ચૂકવે અને તેઓ કોન્ટ્રાક્ટરના કર્મચારી કહેવાય તે રીતે કામદારોને નોકરી આપે છે પરંતુ આ રીતે અપાતી નોકરીમાં સફાઈ કામદારોનું તમામ પ્રકારે શોષણ થતું હોવાની વ્યાપક ફરિયાદો છે. આથી કાયમી ધોરણે ભરતી કરી કામદારોને નોકરી આપવામાં આવે તેવી માંગણી સાથે આજે વધુ એક વખત સફાઈ કામદારોએ ઉગ્ર સુત્રોચ્ચાર સાથે વ્યાપક દેખાવો કયર્િ હતા.