જ્યારે પણ સેના, પોલીસ અથવા કોઈપણ ફોર્સ કોઈ પણ ઓપરેશન પર જાય છે ત્યારે તેઓ ચોક્કસપણે બુલેટ પ્રૂફ જેકેટનો ઉપયોગ કરે છે. જેથી જીવ બચાવી શકાય. જોકે બુલેટ પ્રૂફ જેકેટ દરેક પ્રકારની બંદૂકમાંથી નીકળતી ગોળીઓને રોકવામાં સક્ષમ નથી. જાણો એ કઈ બંદૂક છે, જેની બુલેટ બુલેટ પ્રુફ જેકેટમાં પણ ઘૂસી શકે છે.

કેવી રીતે બને છે બુલેટ પ્રૂફ જેકેટ?

બુલેટ પ્રૂફ જેકેટ ડાયનેમા અથવા હાઇ ડેનિઅર પોલિઇથિલિન જેવા હળવા અને મજબૂત રેસામાંથી બનાવવામાં આવે છે. આ સિવાય કેટલાક બુલેટ પ્રૂફ જેકેટમાં સિરામિક અથવા સ્ટીલ પ્લેટ્સ પણ હોય છે. આ પ્લેટ્સ ઉચ્ચ કેલિબર બુલેટ્સ સામે રક્ષણ આપે છે. જ્યારે આ વસ્તુઓમાંથી જેકેટ તૈયાર કરવામાં આવે છે ત્યારે ઉપયોગ કરતા પહેલા તેનું પરીક્ષણ કરવામાં આવે છે. બુલેટ પ્રૂફ જેકેટ સલામતીના ધોરણોને પૂર્ણ કરે છે. તેની ખાતરી કરવા માટે પરીક્ષણ કરવામાં આવે છે.

કઈ બંદૂકની ગોળીઓ તેને ભેદી શકે છે?

બુલેટ પ્રૂફ જેકેટની સુરક્ષા ક્ષમતા રાષ્ટ્રીય ધોરણ NIJ દ્વારા નક્કી કરવામાં આવે છે. જો કે પછી પણ, કેટલીક ગોળીઓ અને હથિયારો છે. જે આ જેકેટમાં ઘૂસી શકે છે. હાઈ કેલિબર રાઈફલની બુલેટ ..308 વિન્ચેસ્ટર સૈનિકો દ્વારા ઉપયોગમાં લેવાતી લોકપ્રિય રાઈફલ કેલિબર છે. તેની બુલેટ એટલી ખતરનાક છે કે જો નજીકથી મારવામાં આવે તો તે બુલેટ પ્રૂફ જેકેટમાં ઘૂસી શકે છે. આ સિવાય AK-47 જેવી એસોલ્ટ રાઈફલમાં વપરાતી 7.62x39 mm બુલેટ પણ બુલેટ પ્રૂફ જેકેટમાં પ્રવેશ કરી શકે છે.

પિસ્તોલમાં .44 મેગ્નમ બુલેટ પણ બુલેટ પ્રુફ જેકેટમાં પ્રવેશ કરી શકે છે. આ સિવાય .357 મેગ્નમ અને .50 BMG બુલેટ પણ બુલેટ પ્રૂફ જેકેટમાં પ્રવેશ કરી શકે છે. જો કે  આ ગોળીઓ બુલેટ પ્રૂફ જેકેટમાં પ્રવેશવા માટે  ગોળી ચલાવનાર વ્યક્તિએ ખૂબ જ નજીકથી ફાયરિંગ કરવું પડશે. જો અંતર વધુ હશે તો બુલેટ પ્રૂફ પહેરનાર વ્યક્તિને આ ગોળીઓ એટલું નુકસાન પહોંચાડી શકશે નહીં.