વાળ ખરવાની સમસ્યા હવે સામાન્ય બની ગઈ છે. ત્યારે કેટલીક બાબતોનું ધ્યાન રાખવું જોઈએ. વાળને મજબૂત કરવા માટે અઠવાડિયામાં કેટલી વાર તમારા વાળ ધોવા જોઈએ?

છોકરો હોય કે છોકરી દરેકને પોતાના વાળની ​​ચિંતા હોય છે. લોકો ઈચ્છા વગર પણ કેટલીક ભૂલો કરી બેસે છે. જેના કારણે તેમની મુશ્કેલીઓમાં વધારો થાય છે. કારણકે ઘણી વખત લોકો દરરોજ વાળ ધોવાનું શરૂ કરે છે.  જેના કારણે તેમને વાળ સંબંધિત સમસ્યાઓનો સામનો કરવો પડી શકે છે.

અઠવાડિયામાં કેટલી વાર તમારા વાળ ધોવા જોઈએ?

વાળ ખરવાની સમસ્યા હવે સામાન્ય બની ગઈ છે. આવી સ્થિતિમાં કેટલીક બાબતોનું ધ્યાન રાખવું જોઈએ. જો વાળ ખૂબ જ ચીકણા અને તેલયુક્ત હોય, તો દર બીજા દિવસે વાળ ધોવા જોઈએ પરંતુ જો વાળ ખૂબ જ શુષ્ક છે તો અઠવાડિયામાં ફક્ત બેથી ત્રણ વખત વાળ ધોવા જોઈએ.

જો વાળ સામાન્ય છે, તો અઠવાડિયામાં બેથી ત્રણ વખત વાળ ધોવા વધુ સારું રહેશે. કેટલાક લોકો દરરોજ શેમ્પૂથી વાળ ધોવે છે પરંતુ આમ કરવાથી વાળ નબળા થવા લાગે છે. તેથી અઠવાડિયામાં 2 થી 3 વખત વાળ ધોવા વધુ સારું રહેશે.

વાળ ધોતી વખતે આ ભૂલો ન કરો

જ્યારે પણ શેમ્પૂથી વાળ ધોશો ત્યારે ખૂબ ગરમ પાણીનો ઉપયોગ ન કરવો જોઈએ. કારણકે ગરમ પાણી વાળને શુષ્ક અને નિર્જીવ બનાવે છે. તેથી વાળ ધોતી વખતે હંમેશા હૂંફાળા પાણીનો ઉપયોગ કરવો જોઈએ. જ્યારે પણ વાળ ધોવો ત્યારે ધ્યાન રાખો કે શેમ્પૂનો વધુ પડતો ઉપયોગ ન કરો. જો આમ કરશો તો વાળ જલ્દી સફેદ થવા લાગશે.

વધુ પડતા કંડીશનરનો ઉપયોગ કરવાનું ટાળો

કન્ડિશનર વાળને ભેજ આપે છે અને તેમને ચમકદાર બનાવે છે પરંતુ કન્ડિશનરનો વધુ પડતો ઉપયોગ વાળને નુકસાન પહોંચાડે છે. ધ્યાનમાં રાખો કે ભીના વાળમાં ભૂલથી પણ કાંસકો ન કરવો જોઈએ અને ભીના વાળ પર લાંબા સમય સુધી ટુવાલ વીંટાળવો જોઈએ નહીં.

વાળને મજબૂત કરવા માટે, સમયાંતરે હેર માસ્કનો ઉપયોગ કરવો જોઈએ અને તંદુરસ્ત આહાર લેવો જોઈએ. દરેક વ્યક્તિના વાળ અલગ-અલગ હોય છે. જો વધુ સમસ્યાઓનો સામનો કરવો પડે છે, તો ચોક્કસપણે ડૉક્ટરની સલાહ લો. આ બધી બાબતોને ધ્યાનમાં રાખીને વાળને ખરતા અટકાવી શકો છો અને તેમને મજબૂત બનાવી શકો છો.