પોરબંદરની સરકારી ભાવસિંહજી હોસ્પિટલના વોર્ડ બોયને એક પર્સ મળી આવ્યુ હતુ જેને પ્રામાણિકતાથી મૂળ માલિકને સોંપી દીધુ હતુ.
 ભાવસિંહજી હોસ્પિટલમાં ટી.બી.વોર્ડમાં એક લેડીઝ પર્સ વોર્ડબોય ભાવેશભાઇને મળી આવેલ જેમણે પોલીસના એ.એસ.આઇ. ડી.જે. ચાવડા તથા હેડકોન્સ્ટેબલ જે.એલ. મજીઠીયાને જાણ કરતા ટેકનિકલ સોર્સનો ઉપયોગ કરી તથા હોસ્પિટલમાં પૂછપરછ કરી પર્સના મૂળ માલિક કોમલબેન મદલાણી રહે. પોરબંદરવાળાને પર્સ સોપેલ જે પર્સમાં  ‚ા. ૫૦૦૦ રોકડા તથા બે સોનાની વીટી તથા બે એ.ટી.એમ. તથા અગત્યના ડોકયુમેન્ટ હોય જેથી મૂળ માલિકની ખરાઇ કરી હોસ્પિટલ સ્ટાફ તથા આગેવાન બાબુભાઇ પાંડાવદરાની હાજરીમાં કોમલબેન મદલાણીને સોપેલ છે. અને કોમલેબેને હોસ્પિટલ સ્ટાફ તથા પોલીસનો આભાર માન્યો હતો.