મોરબીમાં જીવલેણ અસ્માતની ઘટના બની છે.જેમાં અજાણી કારે બાઇકને ઠોકરે લેતા બાઇકચાલક યુવાનને ગંભીર ઇજા પહોંચી હતી.જેથી તેને સારવાર માટે રાજકોટ ખસેડાતા અહીં સારવાર દરમિયાન યુવાનનું મોત થયું હતું.અકસ્માતના આ બનાવની જાણવા મળતી વિગતો મુજબ,મોરબીમાં ગાયત્રી સોસાયટી વિસ્તારમાં રહેતો યુવાન માસુમ અશોકભાઇ કારીયા(ઉ.વ 18) ગત તા. 11/11 ના રોજ બાઇક લઇ મોરબી એનેકસી સિનેમા પાસે જતો હતો ત્યારે અજાણી કારે તેને હડફેટે લીધો હતો.અકસ્માતની આ ઘટનામાં યુવાનને ગંભીર ઇજા પહોંચી હતી.જેથી તેને સારવાર માટે પ્રથમ મોરબી બાદમાં વધુ સારવાર માટે રાજકોટ ખસેડવામાં આવ્યો હતો.અહીં સારવાર દરમિયાન યુવાને હોસ્પિટલ બીછાને દમ તોડી દીધો હતો.બનાવને પગલે સિવિલ હોસ્પિટલ ચોકીના સ્ટાફે જરૂરી કાર્યવાહી કરી સ્થાનિક પોલીસને જાણ કરી હતી.આ મામલે પોલીસે અકસ્માત સજીર્ નાસી ગયેલા કાર ચાલક સામે ગુનો નોંધી તેને ઝડપી લેવા તપાસ હાથ ધરી છે.
જયારે અન્ય એક બનાવમાં કેશોદ તાલુકાના પ્રાંશલી ગામે રહેતા મનિષાબેન નાગદાનભાઇ ખાણીયા(ઉ.વ 40) નામના મહિલા ગઇકાલે સવારે પતિ નાગદાનભાઇના બાઇકમાં બેસી કામ સબબ બહાર જતા હતા ત્યારે અકસ્માતે સાડીનો છેડો બાઇકમાં ફસાઇ જતા બાઇક સ્લીપ થઇ ગયું હતું.જેથી પતિ-પત્ની બંને પટકાયા હતાં.જેમાં મનિષાબેનને ગંભીર ઇજા પહોંચતા પ્રથમ કેશોદ બાદમાં જુનાગઢ અને ત્યાંથી વધુ સારવાર માટે રાજકોટ સરકારી હોસ્પિટલ ખસેડવામાં આવ્યા છે.બનાવ અંગે હોસ્પિટલ ચોકીના સ્ટાફે જરૂરી કાર્યવાહી કરી છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationરાજકોટ : ભીલવાસ નજીક ઇગલ પેટ્રોલ પંપે રાત્રીના માથાભારે શખ્સે ફિલરમેનને છરીના ઘા ઝીંક્યા
July 07, 2024 03:50 PMજામકંડોરણામાં : અષાઢી બીજ નિમિત્તે રામજીની ભવ્ય રથયાત્રા, મોટી સંખ્યામાં ભક્તો જોડાયા
July 07, 2024 03:45 PMજુનાગઢ : પ્રાચીન જગન્નાથજી મંદિરે અષાઢી બીજની ભવ્ય ઉજવણી પ્રભુજીને કરાયા દિવ્ય શણગાર
July 07, 2024 03:44 PMઝિમ્બાબ્વે સામે હાર બાદ એમએસ ધોનીના ક્લબમાં શુભમન ગિલની થઈ એન્ટ્રી
July 07, 2024 12:03 PMCopyright © 2023-2024 Aajkaal Daily
Developed by Rhythm Infotech