પોરબંદરમાં  સાઇબર ક્રાઇમના ગુન્હામાં હિરલબા જાડેજાના રીમાન્ડ પૂર્ણ થતા વધુ ત્રણ દિવસના રીમાન્ડ માંગવામાં આવ્યા હતા પરંતુ કોર્ટે ફગાવી દીધા છે અને જામીન અરજી પણ નામંજૂર થતા તેમને ફરી જેલહવાલે કરી દેવામાં આવ્યા છે.
હિરલબા જાડેજાના ૭૦ લાખના લેતીદેતી પ્રકરણમાં કુછડીના ત્રણ લોકોને ગોંધી રાખવાના નોંધાયેલા ગુન્હા બાદ પોલીસે જ્યારે હિરલબા જાડેજાના નિવાસસ્થાને સર્ચ ઓપરેશન હાથ ધર્યુ ત્યારે કેટલીક બેન્કના દસ્તાવેજો સહિત મિલ્કતોના દસ્તાવેજો મળી આવ્યા હતા અને બેન્ક એકાઉન્ટ વિષે તપાસ કરવામાં આવતા સાયબર ક્રાઇમ પોલીસમથકના  પી.એસ.આઇ. વી.આર. ચાવડાની તપાસમાં એવુ ખુલ્યુ હતુ કે કોટક મહિન્દ્રા બેન્કના ૧૪ જેટલા શંકાસ્પદ ખાતા પોરબંદરમાં હિરલબા સાથે સંકળાયેલા હોય તેવા લોકોના મળ્યા હતા જેમાં પાંચ જેટલા ખાતામાં સાઇબર ક્રાઇમના ગુન્હામાં છેતરપીંડીથી મેળવેલ ૩૫ લાખ ૭૦ હજાર જેવી માતબર રકમ આ ખાતામાં ટ્રાન્સફર થઇ હતી અને ટૂંકા ગાળામાં ખુલેલા ૧૪ ખાતામાંથી ૧૦ ખાતાનું એડ્રેસ હિરલબા જાડેજાનું નિવાસસ્થાન હતુ. તેથી બેન્ક મેનેજરના નિવેદનબાદ પોલીસે હિરલબા સહિત છ શખ્શો સામે સાઇબર ક્રાઇમ હેઠળ ગુન્હો દાખલ કર્યો હતો. જેમાં હિરલબા જાડેજા તથા તેના માણસો હિતેશ ભીમા ઓડેદરા, પાર્થ સોનઘેલા, મોહન રણછોડ વાજા, અજય મનસુખ ચૌહાણ અને હિરલબાના ડ્રાઇવર રાજુ મેર તથા અન્ય તપાસમાં ખૂલે તે લોકોએ પૂર્વઆયોજિત કાવત‚ રચી ગરીબ લોકોની જાણ બહાર બેન્કમાં ખાતા ખોલાવી સાઇબર ક્રાઇમનો ભોગ બનનાર લોકોના ‚પિયા તેમના ખાતામાં જમા કરાવ્યા હતા. કરોડો ‚પિયાના ટર્નઓવરવાળા આ ખાતામાં તપાસ કરતા કેટલીક ચોંકાવનારી વિગતો બહાર આવી હતી અને હિરલબા જાડેજા તથા તેના સાગરીતને બે દિવસના રીમાન્ડ ઉપર લેવામાં આવ્યા હતા અને શુક્રવારે હિરલબા અને હિતેશના રીમાન્ડ પૂર્ણ થતા વધુ ત્રણ દિવસના રીમાન્ડની માંગણી સાથે કોર્ટમાં રજુ કરવામાં આવ્યા હતા. બંને પક્ષની દલીલોને ધ્યાને લઇને ન્યાયમૂર્તિએ વધુ રીમાન્ડની માંગણી ફગાવી દીધી હતી ત્યારબાદ હિરલબાના એડવોકેટો મારફતે તેમને જામીનમુકત કરવા માટે અરજી કરવામાં આવી હતી પરંતુ એ જામીન અરજી પણ ફગાવી દેવામાં આવી હતી અને જેલહવાલે કરવાનો હુકમ થતા બંનેને ફરીજેલહવાલે કરી દેવામાં આવ્યા છે.