હિન્દૂ સેના દ્વારા એનિમલ હેલ્પલાઇનની મદદથી ગાયને સ્થળ પર જ સારવાર કરાવી લેવાઇ

જામનગરમાં પંચવટી વિસ્તારમાં ગત મોડી રાતના સમયે એક ગાય પર એસિડ  એટેક થયો હોવાનો હિન્દુ સેના દ્વારા આક્ષેપ કરાયો હતો, અને હિન્દુ સેનાના કાર્યકરો બનાવના સ્થળે પહોંચ્યા હતા. ત્યારબાદ ગાયની સારવાર માટે એનિમલ હેલ્પલાઇનની ટીમને બોલાવી લેવાઇ હતી અને સારવાર અપાઇ છે.

પંચવટી વિસ્તારમાં રાત્રિના સમયે કોઈ અજ્ઞાત વ્યક્તિએ ગાય પર એસિડ એટેક કર્યો હોય તેવો આક્ષેપ કરીને હિન્દુસેના ના અગ્રણીઓએ સ્થળ પર પહોંચી જઈ આસપાસના વિસ્તારમાં રહેતા વ્યક્તિઓની પૂછપરછ કરી હતી.

જેમાં આગલા દિવસે ગાયને કોઈપણ પ્રકારની ઇજા વગર ફરી રહી હતી, પરંતુ આજે વહેલી સવારે તેના કાન પર મોટો ઘાવ જોવા મળ્યો હતો, અને લોહી નીતરતી હાલતમાં જોવા મળી હતી, અને કોઈએ એસિડ એટેક કર્યો હોય તેવો આક્ષેપ કરાયો હતો.

ત્યારબાદ એનિમલ હેલ્પલાઇનની ટીમને સ્થળ પર બોલાવી લેવામાં આવી હતી, અને ગાયની પ્રાથમિક સારવાર કરી લેવામાં આવી છે. જોકે આ મામલે કોઈ વધુ ઇસ્યુ ન બને તે માટે શાંતિ ની અપીલ કરવામાં આવી હતી.