તાલાલા ગીર નજીક આવેલા ધ પ્રીમિયર ગીર રિસોર્ટમાંથી એલસીબી પોલીસે હાઈ પ્રોફાઈલ જુગારધામ ઝડપી પાડ્યું છે. પોલીસે દરોડો પાડીને 54 જુગારીઓને ઝડપી પાડ્યા છે. પોલીસને બાતમી મળી હતી કે રિસોર્ટમાં મોટી રકમની જુગાર રમાડવામાં આવી રહ્યો છે, જેના આધારે દરોડો પાડવામાં આવ્યો હતો.

પોલીસે આ દરોડામાં 2 કરોડ 90 લાખ રૂપિયાનો મુદ્દામાલ જપ્ત કર્યો છે, જેમાં 28 લાખ રૂપિયા રોકડા, 15થી વધુ કાર અને 70 મોબાઈલ ફોનનો સમાવેશ થાય છે. પોલીસના જણાવ્યા અનુસાર, આ જુગારધામમાં મોટી રકમની હારજીત થતી હતી.

પોલીસે આ મામલે વધુ તપાસ શરૂ કરી છે અને રિસોર્ટના માલિક તેમજ અન્ય સંડોવાયેલા લોકોની શોધખોળ કરી રહી છે. આ ઘટનાથી સાસણ ગીર જેવા પ્રવાસન સ્થળ પર ચાલતા ગેરકાયદેસર પ્રવૃત્તિઓનો પર્દાફાશ થયો છે.