આ અંગેની હકીકત મુજબ, શહેરમાં રહેતી યુવતીને ગાંધીગ્રામ વિસ્તારના શાસ્ત્રીનગરમાં રહેતા વિક્રમ વાલા સોહલા નામના શખ્સે ધર્મેન્દ્ર રોડ પર આવેલી ઓફિસમાં બળજબરીથી દુષ્કર્મ ગુજાર્યા અંગે એ ડિવિઝન પોલીસ મથકમાં ફરિયાદ નોંધાવી છે. પોલીસ ફરિયાદમાં જણાવ્યા પ્રમાણે ફરિયાદીની ટ્રસ્ટના નામે આવેલી જમીનમાં અન્ય શખ્સનો કબજો હોવાથી જે જગ્યા ખાલી કરાવવા માટે ફરિયાદ કરવા માટે યુવતી વકીલની ઓફિસે ગયેલ ત્યારે વકીલે વિક્રમ સોહલા સાથે જમીન બાબતે યુવતીએ વાત કરેલી બાદ વિક્રમ સોહલાએ પોતાની ધર્મેન્દ્ર રોડ પર આવેલી ઓફિસે બોલાવી યુવતી પર બળજબરીથી દુષ્કર્મ આચરી અને જ્ઞાતિ પ્રત્યે હડધૂત કર્યાનું ફરિયાદમાં જણાવ્યું હતું. વિક્રમે ગુજરાત હાઈકોર્ટમાં ફરિયાદ રદ કરવા કાર્યવાહી કરી જણાવેલ કે, ફરીયાદીએ અગાઉ આ પ્રકારની ફરિયાદ આપેલી અને તે ફરીયાદના અનુસંધાને જે તે વખતના તપાસનીશ અધીકારીએ તપાસ કરેલ અને એવો રિપોર્ટ કરેલો કે, ફરિયાદીએ બ્લેકમેઇલિંગના ઈરાદાથી ફરીયાદ આપેલ છે. સદરહુ ફરીયાદ ફાઈલ કરવામાં આવે છે. ઉપરોકત ફરીયાદ ફાઈલ થયા બાદ ફરીયાદીએ પોતાના એડવોકેટ મારફત રાજકોટની સ્પે. અદાલતમાં ફરીયાદ દાખલ કરેલ, તેમાં અદાલતે ક્રિમીનલ પ્રોસીઝર કોડની કલમ -૨૧૦ હેઠળ પોલીસનો રિપોર્ટ મંગાવેલ અને પોલીસ દવારા અદાલતમાં રિપોર્ટ રજુ કરતા પહેલા અને અદાલતમાં ફરીયાદ પેન્ડીંગ હોવા છતાં તપાસનીશ દ્વારા ગુનો દાખલ કરી દીધેલ છે. ઉપરોકત હકિકત અને તમામ કાગળોને ધ્યાનમાં લઈ હાઈકોર્ટ દ્વારા આ કામના આરોપીની ધરપકડ સામે સ્ટે આપેલ છે. ઉપરોકત કામમાં આરોપી વીક્રમ વાલાભાઈ સોહલા વતી અમદાવાદના એડવોકેટ આશીષ ડગલી, રાજકોટના પીયુષભાઇ એમ.શાહ, અશ્વીનભાઈ ગોસાઈ, નીવીદ પારેખ, નીતેશ કથીરીયા, વીજય પટગીર, જીતેન્દ્ર ધુળકોટીયા, હર્ષિલ શાહ, ચીરાગ શાહ, રવીરાજ વાળા, રૂત્વીક વધાસીયા, સંજય મેરાણી રોકાયા હતા.