મંગળવારે સંયુક્ત આરબ અમીરાત અને તેની આસપાસના દેશોમાં ભારે વરસાદ થયો હતો. વરસાદને કારણે UAEના મુખ્ય ધોરીમાર્ગોના કેટલાક ભાગોમાં પાણી ભરાઈ ગયા હતા અને દુબઈના રસ્તાઓ પર વાહનો ફસાઈ ગયા હતા. દુબઈ ઈન્ટરનેશનલ એરપોર્ટ (DXB), જે વિશ્વના સૌથી વ્યસ્ત એરપોર્ટ પૈકી એક છે ત્યાં કામગીરી લગભગ 25 મિનિટ માટે રોકી દેવામાં આવી હતી. જેના કારણે ઘણી ફ્લાઈટ્સ કેન્સલ કરવી પડી અને ઘણી મોડી પડી.
પડોશી દેશ ઓમાનમાં પૂરથી મૃત્યુઆંક વધીને 18 થઈ ગયો છે અને અન્ય કેટલાય લોકો ગુમ છે. અરેબિયન દ્વીપકલ્પ પરના દેશ UAE માં વરસાદ અસામાન્ય છે, પરંતુ શિયાળાના મહિનાઓમાં ક્યારેક ક્યારેક વરસાદ પડે છે. નિયમિત વરસાદના અભાવને કારણે ઘણા રસ્તાઓ અને અન્ય વિસ્તારોમાં ડ્રેનેજ સિસ્ટમનો અભાવ છે જેના કારણે પૂર આવે છે.
લોકોને ઘરમાં રહેવાની અનુરોધ
ભારે વરસાદને કારણે UAE પ્રશાસને મંગળવારે લોકોને તેમના ઘરમાં રહેવાની અનુરોધ કર્યો. શાળાઓએ ઓનલાઈન વર્ગો હાથ ધર્યા હતા. સરકારી કર્મચારીઓને પણ ઘરેથી કામ કરવા માટે કહેવામાં આવ્યું છે. પ્રશાસને હાઈવે અને રસ્તાઓ પરથી પાણી દૂર કરવા માટે વિશાળ પંપ લગાવવા પડ્યા હતા. મંગળવારે જ્યારે યુએઈના આકાશમાં વીજળી ચમકતી હતી, ત્યારે તે કેટલીકવાર વિશ્વની સૌથી ઊંચી ઇમારત બુર્જ ખલિફાની ટોચને સ્પર્શતી હતી.
આગામી 24 કલાક દરમિયાન ભારે વરસાદ અને કરા પડવાની ચેતવણી
રાષ્ટ્રીય હવામાન કેન્દ્રે દુબઈ, અબુ ધાબી, શારજાહ અને અન્ય કેટલાક અમીરાતના રહેવાસીઓને આગામી 24 કલાક દરમિયાન ભારે વરસાદ અને કરા માટે તૈયાર રહેવા જણાવ્યું છે. UAE ના પાડોશી દેશો બહેરીન, કતાર અને સાઉદી અરેબિયામાં પણ ભારે વરસાદ થયો છે.
ઓમાનમાં વરસાદના કારણે 18 લોકોના મોત
ઓમાનમાં તાજેતરના દિવસોમાં ભારે વરસાદને કારણે આવેલા પૂરને કારણે 18 લોકોના મોત થયા છે. જેમાં 10 શાળાના બાળકોનો સમાવેશ થાય છે જેમના વાહન પૂરમાં વહી ગયા હતા. બહેરીનની રાજધાની મનામામાં શેરીઓમાં પાણી ભરાઈ ગયા હતા. કુવૈત, સાઉદી અરેબિયા અને ઓમાનમાં બુધવારે ચક્રવાતની સંભાવના છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationરાહુલ ગાંધીએ PM મોદીને લખ્યો પત્ર, આવતીકાલે સંસદમાં NEET પર ચર્ચાની કરી માંગ
July 02, 2024 05:40 PMઉતરપ્રદેશના હાથરસ નજીક સિકંદરામાં ભોલેબબના સત્સંગ દરમિયાન ભાગદોડમાં 27 લોકોના મોત
July 02, 2024 05:02 PMCopyright © 2023-2024 Aajkaal Daily
Developed by Rhythm Infotech