ગઈકાલે બનાસકાંઠા જિલ્લાના ધાનેરા અને ઉત્તર ગુજરાતના અન્ય તાલુકાઓમાં માવઠું થયા પછી આજે બીજા દિવસે ઉત્તર ગુજરાત ઉપરાંત સૌરાષ્ટ્ર્ર કચ્છના અનેક વિસ્તારોમાં માવઠું થયું છે. રાજકોટમાં આજે બપોરે ૧૧:૩૦ વાગ્યાની આસપાસ એકાએક વાતાવરણમાં જોરદાર પલટો આવ્યો હતો. ભેજવાળા કાળાડિબાગ વાદળોથી આકાશ ઘેરાઈ ગયું હતું અને ૧૧:૪૫ વાગ્યાની આસપાસ ધીમા ધીમા છાંટા પડવાનું શ થયા પછી ૧૨:૦૦ વાગ્યાથી જાણે ચોમાસુ શ થઈ ગયું હોય તેવો વરસાદ અડધો કલાક સુધી ચાલુ રહ્યો હતો.

એકધારા અડધો કલાક સુધી વરસેલા વરસાદના કારણે રાજકોટ શહેરના અનેક વિસ્તારોમાં રસ્તા પરથી પાણી વહેવા લાગ્યા હતા. અનેક જગ્યાએ પાણી ભરાયા હતા. વરસાદના કારણે વાહન ચાલકો ભારે હેરાન પરેશાન થઈ ગયા હતા. રાજકોટમાં મહત્તમ તાપમાનનો પારો ૩૬ ડિગ્રી સુધી પહોંચી જવાને કારણે લોકો ગરમીથી હેરાન પરેશાન થઈ રહ્યા હતા. માવઠાને કારણે ગરમીમાં રાહત મળી છે પરંતુ હવે રોગચાળાનો ખતરો ઝળુબી રહ્યો છે. વરસાદની સાથોસાથ પવનની ગતિ પણ તેજ બની ગઈ હતી અને થોડી મિનિટો માટે મેઘગર્જના પણ સાંભળવા મળી હતી. વરસાદના કારણે બફારો વધી ગયો છે અને આકાશમાં હજુ ભેજવાળા વાદળો જોવા મળી રહ્યા છે