યુએસમાં રાષ્ટ્રપતિ ટ્રમ્પે મસ્કને ફેડરલ નોકરશાહીમાં મોટા પાયે કાપ મૂકવાની જવાબદારી સોંપી હતી.આ અંગે બોલાવવામાં આવેલી ખાસ મીટિંગ દરમિયાન, મસ્કે રુબિયો પર આરોપ લગાવ્યો કે તેમણે હજુ સુધી "કોઈને કાઢી મૂક્યા નથી" અને સ્ટાફમાં નોંધપાત્ર ઘટાડો કરવાના તેમના પ્રયાસોનો વિરોધ કર્યો છે. આનો જવાબ આપતાં રુબિયોએ કહ્યું કે, રાજ્ય વિભાગના 1,500 કર્મચારીઓએ વહેલા નિવૃત્તિ પેકેજ હેઠળ રાજીનામું આપ્યું છે. કેબિનેટની બેઠક દરમિયાન અમેરિકાના વિદેશ મંત્રી માર્કો રુબિયો અને વ્હાઇટ હાઉસના સલાહકાર અબજોપતિ ઉદ્યોગપતિ ઈલોન મસ્ક વચ્ચે ઉગ્ર દલીલ થઈ. આ દરમિયાન રાષ્ટ્રપતિ ડોનાલ્ડ ટ્રમ્પ પણ ત્યાં હાજર હતા. ન્યૂયોર્ક ટાઈમ્સના અહેવાલ મુજબ, સ્ટેટ ડિપાર્ટમેન્ટમાં તાજેતરમાં સ્ટાફ કાપને લઈને વિવાદ ઉભો થયો હતો.

વ્હાઇટ હાઉસના ટોચના અધિકારીઓની ફરિયાદોને પગલે આ બેઠક બોલાવવામાં આવી હતી, જેમાં સરકારી એજન્સીઓના વડાઓએ મસ્કની કઠોરતા અભિયાનની પદ્ધતિઓ પર નારાજગી વ્યક્ત કરી હતી. વ્હાઇટ હાઉસ ઓફિસ ઓફ લેજિસ્લેટિવ અફેર્સને તાજેતરના દિવસોમાં ઘણા ગુસ્સે ભરાયેલા રિપબ્લિકન ધારાસભ્યો તરફથી ફરિયાદો મળી છે જેઓ તેમના મતવિસ્તારમાં મતદારોના ગુસ્સાનો સામનો કરી રહ્યા છે.

ટ્રમ્પે રિપોર્ટને ફગાવી દીધો

રાષ્ટ્રપતિ ટ્રમ્પે ઓવલ ઓફિસમાં એક પ્રેસ કોન્ફરન્સ દરમિયાન ન્યૂયોર્ક ટાઇમ્સના અહેવાલને ફગાવી દીધો. જ્યારે એક પત્રકારે તેમને આ વિશે પૂછ્યું, ત્યારે તેમણે કહ્યું, 'કોઈ ઝઘડો નહોતો, હું ત્યાં હતો.' તમે ફક્ત બિનજરૂરી રીતે મુદ્દો ઉભા કરી રહ્યા છો. એલોન અને માર્કો વચ્ચે બધું બરાબર છે અને બંને ખૂબ સારું કરી રહ્યા છે. ટ્રમ્પે વધુમાં કહ્યું, 'માર્કોએ વિદેશ સચિવ તરીકે અવિશ્વસનીય કામ કર્યું છે, અને એલોન એક અનોખા વ્યક્તિ છે જેમણે શાનદાર કામ કર્યું છે.'