કાલે બાલા હનુમાન મંદિરે દર્શન

ઉત્તરાખંડની સાંસ્કૃત્તિક ધરોહર એવા હરેલા પર્વને રાષ્ટ્રિય પર્વ ઘોષિત કરવાની માંગણી સાથેની હરેલા સંકલ્પ યાત્રા તા.10 ઓગષ્ટથી તૃતિય કેદારરુપ રુદ્રપ્રયાગના તુંગનાથ મંદિરથી પ્રારંભ થઇ છે. આ યાત્રા ‘છોટી કાશી’જામનગરમાં આવી પહોંચી છે. યાત્રા દ્રાક્ષના નાનકડા વૃક્ષ સાથે આવતીકાલ તા. 22ના રોજ સવારે 10.30 વાગ્યાથી બપોરે 1.30 સુધી શહેરના વિશ્વ પ્રસિધ્ધ બાલા હનુમાન ખાતે પધરામણી કરશે. આ હરેલા યાત્રા સાથે દ્રાક્ષના વૃક્ષનું પૂજન કરવા પધારવા ‘છોટી કાશી’ના ભાવિકજનોને બાલા હનુમાન સંકિર્તન મંદિર ટ્રસ્ટના પ્રમુખ જીતુભાઇ લાલે જાહેર આમંત્રણ પાઠવ્યું છે.