નિયમિત રીતે અનિયમિત આવતા અને ઓફિસના કામકાજના કલાકો પહેલા જ ગેરહાજર થઈ જતા સરકારી અધિકારીઓ અને કર્મચારીઓ પર લગામ મૂકવા સરકારે તારીખ ૧ ફેબ્રુઆરીથી ડિજિટલ એટેન્ડન્સ સિસ્ટમ અમલમાં મૂકવાની જાહેરાત કરી હતી. સરકારની આ સિસ્ટમના કારણે કર્મચારીઓની ગોપનીય માહિતી ખુલ્લી પડી જાય છે, કર્મચારીઓને વિશ્વાસમાં લીધા વગર સરકારે આ જાહેરાત કરી છે તેમ કહીને કર્મચારી મહામંડળ દ્રારા વિરોધ કરવામાં આવ્યો હતો અને હજુ સુધી આ સિસ્ટમનો અમલ થયો નથી. સરકારી કચેરીઓમાં અધિકારીઓ અને કર્મચારીઓની નિયમિત હાજરી માટે મક્કમ બનેલી સરકારે હવે જૂની પ્રથા વધુ મજબૂત રીતે અમલ કરવાના નિર્ણયની જાહેરાત કરી છે.
ગુજરાત સરકારના સામાન્ય વહીવટ વિભાગના ઉપસચિવ શિવાંગી ચૌધરીએ આ સંદર્ભે એક પરિપત્ર બહાર પાડીને જણાવ્યું છે કે વર્તમાનમાં અમલી રહેલ ઈન્ટિગ્રેટેડ સિકયુરિટી એસેસ એન્ડ મેન મેનેજમેન્ટ સિસ્ટમ (આઈએસીએમએમએસ) વધુ ચુસ્ત બનાવવામાં આવી છે. આ સિસ્ટમ મુજબ જો કોઈ અધિકારી કે કર્મચારી નોકરી ચાલુ થવાના સમયમાં એક મહિનામાં ત્રણ વખત મોડા પડશે તો તેની અડધા દિવસની પરચુરણ રજા ગણવામાં આવશે.
પરિપત્રમાં જણાવ્યા મુજબ દરેક સરકારી કચેરીમાં અધિકારીઓ અને કર્મચારીઓનો આવવાનો સમય સવારે ૧૦:૩૦ વાગ્યાનો અને કચેરી છોડવાનો સમય સાંજે ૬:૧૦ કલાકનો છે. આ ટાઈમિંગમાં આવવાના સમયમાં ૧૦ મિનિટની છુટ આપવામાં આવશે એટલે કે ૧૦:૩૦ ના બદલે ૧૦:૪૦ વાગ્યા સુધીમાં કર્મચારી અને અધિકારી આવી શકશે. પરંતુ એક મહિનામાં ત્રણ વખત કચેરીમાં ૧૦– ૪૦ પછી આવનાર અથવા તો ૬– ૧૦ વાગ્યા પહેલા નીકળી જનાર ની અડધા દિવસની પરચુરણ રજા કાપવામાં આવશે.
અત્રે એ ઉલ્લેખનીય છે કે થોડા સમય અગાઉ સરકારે તારીખ ૨૭ જાન્યુઆરીના એક પરિપત્ર બહાર પાડીને ગાંધીનગર સચિવાલય, કલેકટર કચેરી, જિલ્લા વિકાસ અધિકારી કચેરી, કર્મયોગી ભવન અને ઉધોગ ભવનની કચેરીઓમાં ડિજિટલ એટેન્ડન્સ સિસ્ટમનો તારીખ ૧ ફેબ્રુઆરીથી અમલ કરવાનો નિર્ણય જાહેર કર્યેા હતો અને આ સિસ્ટમ તબક્કાવાર સમગ્ર રાયમાં અમલી બનાવવાની પણ જાહેરાત કરી હતી. સરકારી કચેરીઓમાં અધિકારીઓ અને કર્મચારીઓની હાજરી અનિયમિત હોવાનું ધ્યાનમાં આવતા સરકારે કરેલા આ પરિપત્રનો કર્મચારીઓએ ભારે વિરોધ કરતા સરકારે હવે જૂની સિસ્ટમ અને નિયમોનો ચુસ્ત અમલ શ કરી દીધો છે.