અમદાવાદમાં HMPV વાયરસનો વધુ એક કેસ નોંધાયો છે. અમદાવાદમાં 4 વર્ષનું બાળક આ વાયરસથી સંક્રમિત થયું છે. બાળકને સારવાર માટે હોસ્પિટલમાં દાખલ કરવામાં આવ્યું છે. ગુજરાતમાં અત્યારસુધીમાં HMPV વાયરસના પોઝિટિવ કેસની સંખ્યા 6 પર પહોંચી ગઈ છે. 

અમદાવાદના કૃષ્ણનગર વિસ્તારમાં રહેતા ચાર વર્ષના બાળકને HMPV વાયરસ કેસ પોઝિટિવ આવતા સારવાર અર્થે થલતેજની ઝાયડસ હોસ્પિટલમાં દાખલ કરવામાં આવ્યો છે. બાળકને તાવ, શરદી, કફ અને ઉલટી થઇ હતી. 13 જાન્યુઆરીના રોજ તેને સારવાર માટે હોસ્પિટલમાં દાખલ કર્યા બાદ રિપોર્ટ કરાવતા પોઝિટિવ આવ્યો હતો. બાળકની કોઈ ટ્રાવેલ હિસ્ટ્રી મળી નથી.

અમદાવાદ શહેરમાં 26 ડિસેમ્બરથી લઈને 13 જાન્યુઆરી સુધીમાં પાંચ જેટલા HMPV વાયરસના કેસ પોઝિટિવ આવ્યા છે. પાંચમાંથી ત્રણ બાળકો છે. જ્યારે બે દર્દીઓ વૃદ્ધ છે. ત્રણેય બાળ દર્દીઓને શરદી, ખાંસી, તાવ, અને કફની તકલીફ હતી. જ્યારે બે વૃદ્ધ દર્દીઓને અસ્થમા અને સુકી ખાંસી તેમજ શરદીની તકલીફ હતી. એક પણ દર્દીની કોઈ ટ્રાવેલ હિસ્ટ્રી જોવા મળી નથી. પાંચેય દર્દીઓને સારવાર વખતે હોસ્પિટલમાં દાખલ કરવામાં આવ્યા હતા. જેમાં બે દર્દીઓને રજા આપી દેવામાં આવી છે.

HMPV વાયરસના લક્ષણો શું છે?

1. ઉધરસ, તાવ, અનુનાસિક ભીડ, શ્વાસ લેવામાં તકલીફ
2. ચેપના ક્લિનિકલ લક્ષણો વધી શકે છે અને બ્રોન્કાઇટિસ અથવા ન્યુમોનિયા જેવી સમસ્યાઓ તરફ દોરી શકે છે. તે અન્ય વાયરસ જેવું જ છે જે ઉપલા અને નીચલા શ્વસન ચેપનું કારણ બને છે.
3. ચેપનો સેવન સમયગાળો ત્રણથી છ દિવસનો હોય છે, તેનો અર્થ એ કે લોકો ચેપ લાગ્યાના ત્રણથી છ દિવસ પછી તેના લક્ષણો જોઈ શકે છે.
4. બીમારીની અવધિ તેની તીવ્રતાના આધારે બદલાઈ શકે છે.

ચેપ ફેલાતો કેવી રીતે અટકાવવો?

1. જ્યારે પણ તમે ઘરે આવો ત્યારે તમારા હાથ સાબુથી ધોઈ લો.
2. ધોયા વગરના હાથ વડે આંખો, નાક કે મોંને સ્પર્શ કરવાનું ટાળો.
3. ચેપગ્રસ્ત લોકોથી અંતર જાળવો. જો તમે વાયરસ જેવા લક્ષણોનો અનુભવ કરી રહ્યાં છો, તો અલગ રહો.
4. છીંક આવે ત્યારે લોકોએ પોતાના હાથ અને મોં ઢાંકવા જોઈએ.
5. ચેપગ્રસ્ત લોકો સાથે કપ અને ખાવાના વાસણો શેર કરવાનું ટાળો.
6. જ્યારે બીમાર હોય ત્યારે ઘરે રહો

શું આ વાયરસની કોઈ સારવાર છે?

HMPV ની સારવાર માટે કોઈ ચોક્કસ એન્ટિવાયરલ થેરાપી નથી, અને HMPV ચેપને રોકવા માટે અન્ય કોઈ રસી નથી.