ગુજરાતથી મહાકુંભમાં જવા માગતા શ્રદ્ધાળુઓ માટે સારા સમાચાર સરકારે આપ્યા છે. ઉત્તર પ્રદેશમાં પવિત્ર મહાકુંભમાં કરોડો લોકો આસ્થાની ડૂબકી મારવા પ્રયાગરાજ જાય છે, ત્યારે ગુજરાત ટુરિઝમ અને GSRTC બસ વોલ્વો રોજ આવવા જવાની વ્યવસ્થા ચાલુ કરવામાં આવશે. ત્રણ રાત્રિ અને ચાર દિવસનું પેકેજ બનાવવામાં આવ્યું છે, 27મી જાન્યુઆરીએ યાત્રાળુઓની પહેલી બસને લીલી ઝંડી ગાંધીનગરથી આપવામાં આવશે.

શ્રદ્ધાળુઓ સરળતાથી અને ઓછી કિંમતે મુસાફરી કરી શકે એ માટે તમામ વિભાગોએ સાથે મળીને સુવિધાઓમાં ઉમેરો કરાયો છે. આ ટૂર પેકેજ માટે તમામ વ્યવસ્થાઓ કરવામાં આવી છે. જેમાં શિવપુરી ખાતે રાત્રિ રોકાણની વ્યવસ્થા કરવામાં આવી છે. 8100 રૂપિયામાં આસ્થાની યાત્રાનું આયોજન સરકાર દ્વારા કરવામાં આવ્યું છે. જે લોકો આ યાત્રામાં જોડાવવા માંગે છે તેમણે ઓનલાઇન માહિતી મેળવી, ધ્યાન રાખીને ટિકિટ બુક કરવાની રહેશે, આ યાત્રામાં મુસાફરી અને રહેવાની વ્યવસ્થા હશે. જેમાં જમવાની વ્યવસ્થા મુસાફરે જાતે કરવાની રહેશે. હાલ પૂરતી બસ વ્યવસ્થા અમદાવાદ પૂરતી રહેશે. રાજ્ય સરકારે ધાર્મિક અને સ્વૈચ્છિક સંસ્થાઓ સાથે સંકલન કર્યું છે, આ ઉપરાંત જેમ જેમ યાત્રાળુઓ વધશે તેમ વધુ બસો મુકવામાં આવશે.

ગૃહ રાજ્યમંત્રી હર્ષ સંઘવીએ શું કહ્યું?

• મુખ્યમંત્રીના આદેશથી ગુજરાત ટુરિઝમ અને જીએસઆરટીસીએ સાથે મળીને મહાકુંભ મેળા માટે વિશેષ પેકેજ તૈયાર કર્યું છે.
• આવતા સોમવારથી ૩ દિવસ અને ૪ રાત્રીના આ પેકેજમાં ૮૧૦૦ રૂપિયાના પેકેજ સાથે રહેવા સાથે આ પેકેજ બનાવ્યું છે.
• દર સોમવારે લોકો જઈ શકશે.
• આ પેકેજ માટે ઘણી પુછપરછ માટે માહિતી મળી છે. જેટલી સુવિધા મળશે એ પ્રમાણે બસ ઊપાડવામાં આવશે.
• જેમ જેમ વ્યવસ્થા મળશે એમ બસ વધારીશું.
• ૨૭ જાન્યુઆરીના રોજ જનારી બસમાં જનારા લોકોને મુખ્યમંત્રી પ્રસ્થાન કરાવશે.
• અમદાવાદ રાણીપથી સવારે 7 વાગ્યે આ બસ ઊપડશે.

ઓનલાઈન કરો બુંકિગ 

પ્રયાગરાજ પેકેજનું ઓનલાઇન બુકિંગ તા: ૨૫/૦૧/૨૦૨૫ થી એસ.ટી નિગમની વેબસાઇટ www.gsrtc.in મારફતે કરી શકાશે.રાજ્ય સરકાર દ્વારા રાજ્યની જનતાને પવિત્ર મહાકુંભનો લાભ લેવા નમ્ર પ્રયાસ કર્યો છે આમ છતાં પ્રયાગરાજ મુકામે યાત્રિકો મોટી માત્રામાં પધારતા હોઈ સમય અને સુવિધામાં પરિસ્થિતિ અનુસાર ફેરફાર થવાની શકયતા છે.