ગમે ત્યાંથી તમો ઓનલાઈન- વર્ચ્યુઅલ હાજરી આપી શકો તે છૂટછાટમાં અનેક વખત છેક સર્વોચ્ચ અદાલતને પણ અણગમા જેવા અનુભવ થયા છે. અદાલતનું ડેકોરમ-આમાન્ય- અને અદાલતી શિસ્ત એ સૌથી મહત્વનું છે પણ હાલમાં જ ગુજરાત હાઈકોર્ટમાં કાર્યવાહી સમયે બે વ્યક્તિઓમાં એક બીજા રૂમમાંથી અને બીજા બેડરૂમમાં સુતાસુતા વર્ચ્યુઅલ જોડાતા તેઓને મોટો દંડ ફટકારાયો હતો.

જે વ્યક્તિ વોશરૂમ કે શૌચાલયમાંથી અદાલતમાં લાઈવ થયો તેના પર રૂપિયા 2 લાખનો દંડ અને સામાજિક સજા ફટકારાઈ હતી. જે બેડમાં સુતા સુતા અદાલતમાં વર્ચ્યુઅલ જોડાયા હતા તેને પણ દંડ ફટકારાયો હતો. અદાલતે ટકોર કરી કે તમો મુવીનાઈટની માફક અદાલતને લઈ શકો નહીં.

હાઈકોર્ટના ન્યાયમૂર્તિ એમ.કે. ઠક્કરની અદાલતમાં એક કેસમાં ફરિયાદીના પુત્ર ધવલ પટેલને વર્ચ્યુઅલ નિહાળી અદાલતને જબરો ગુસ્સો આવ્યો તેમાં ‘યોગ્ય રીતે’ કે મર્યાદા વગરની સ્થિતિમાં જોવા મળ્યા તેનું કનેક્શન તુરંત જ કાપી નખાયું તો બીજી વખત તેઓ લેટ્રીનમાં હતા. ફરી તેનું કનેક્શન કાપીને તમામના આદેશ અપાયા હોવાના કોર્પોરેટ ગૃહમાં કામ કરતા આ વ્યક્તિના વર્તનથી ન્યાયમૂર્તિએ તે વર્તન ફક્ત અસ્વીકાર્ય જ નહીં પણ શરમજનક પણ ગણ્યું અને તેને રૂ.2 લાખનો દંડ કરાયો હતો. જે ધવલ પટેલે ભરી દીધો હતો.

જેમાં રૂ.50000 પાલડીના એક અનાથગૃહને અપાયા હતા. ઉપરાંત તેમને હાઈકોર્ટ કેમ્પસના બગીચાને સાફ કરવા અને વૃક્ષોને પાણી પાયાની બે સપ્તાહની સજા કરી હતી. જે રોજ આઠ કલાક સુધી કરવાની રહેશે જે પણ તેઓએ કરી હતી. ગત 13 ફેબ્રુઆરીના વામદેવ ગઢવી નામના એક અરજદાર પણ જસ્ટીસ ઠક્કરની અદાલતમાં બેડરૂમમાં સુતા હતા તે સમયે રજુ થયા તેના પર રૂ.25000નો દંડ થશે. ન્યાયમૂર્તિએ કહ્યું કે, ઓનલાઈન કે વર્ચ્યુઅલ રજૂ થવાની તક વિશાળ લોકહિતમાં આપવામાં આવી છે. પણ તેમાં અદાલતની આમાન્યા અને શિસ્ત જરૂરી છે. તમો મુવી જોતા હો તે રીતે સૂતા સૂતા અદાલતી કાર્યવાહી નિહાળી શકો નહીં.