બોલિવૂડ એક્ટ્રેસ સોહા અલી ખાન આ દિવસોમાં ખૂબ જ ખુશ છે. કારણ કે ફરી એકવાર તે ફઇ બા બનવા જઇ રહી છે. તે જલ્દીથી તેના ભાઈ સૈફ અલી ખાન અને ભાભી કરીના કપૂર ખાન નવા મહેમાનને આવકારવા માટે બેતાબ છે. જોકે, કરીનાની ડિલીવરી પહેલા સોહા અલી ખાને એક નવા સભ્યને તેના ઘરે આવકારતા એક વીડિયો શેર કર્યો હતો જે સોશિયલ મીડિયા પર વાયરલ થઈ રહ્યો છે. 
 

સોહા અલી ખાને તેના ઇન્સ્ટાગ્રામ પેજ પર એક વીડિયો શેર કર્યો છે, જેમાં લખ્યું છે કે અમારા બિલ્ડિંગમાં પુરીનું સ્વાગત છે! અમારા ઘર અને જીવનમાં આ ખુશી લાવવા બદલ સુમિત અને રવનીતનો આભાર. પુરી સાથે થોડો સમય પસાર કરવામાં અમને આનંદ થશે. 

સોહા દ્વારા શેર કરેલા આ વીડિયોમાં જોઈ શકાય છે કે તે એક નાના ડોગી સાથે કેટલી ખુશ છે. વીડિયોમાં સોહા ડોગીને ખોળામાં લઇ રહી છે. વીડિયોમાં સોહા તેની પુત્રી ઇનાયા નોમી ખેમુ સાથે ડોગીને પણ પ્રેમ કરતી જોવા મળી રહી છે. 
 

આ અગાઉ સૈફ અલી ખાન અને સોહા અલી ખાનનો એક વીડિયો તાજેતરમાં વાયરલ થયો હતો, જેમાં બંને ભાઈ-બહેનોએ તેમના પટૌડીના બ્રાન્ડ હાઉસ માટે ફોટોશૂટ કરાવ્યું હતું. વીડિયોમાં બંને ભાઈ-બહેનોનો લૂક ખુબ જ સુંદર હતો. આ વીડિયોમાં સોહા અલી ખાન બોટલ ગ્રીન કલરના સલવાર સૂટમાં જોવા મળી હતી. સૈફ અલી ખાન કુર્તા અને જીન્સમાં જોવા મળી હતી.