માવઠાની આગાહીને પગલે રાજકોટના બેડી માર્કેટ યાર્ડમાં મગફળીની આવકો આજથી બંધ કરાઇ છે તેમજ ખેડૂતોને માલ ઢાંકીને લાવવા અને વેપારીઓને દુકાન બહાર ખુલ્લામાં માલ નહીં રાખવા સહિતની તકેદારીની સૂચનાઓ જારી કરવામાં આવી છે.
​​​​​​​
વિશેષમાં ચેરમેન જયેશભાઇ બોઘરાના આદેશથી સેક્રેટરી બી.આર.તેજાણી દ્વારા માવઠાની આગાહીને પગલે વિવિધ સૂચનાઓ જારી કરાઇ છે જેમાં આજથી બીજી જાહેરાત કરવામાં ન આવે ત્યાં સુધી મગફળીની આવક સંપૂર્ણપણે બંધ રહેશે.જ્યાં સુધી પ્લેટફોર્મમાં જગ્યા હશે ત્યાં સુધી માલ ઉતારવા દેવામાં આવશે ત્યાર બાદ કમીશન એજન્ટની દુકાને ઉતારવાનો રહેશે.
વાતાવરણને ધ્યાને લઇ માલ સલામત રીતે ઢાંકીને લાવવાનો રહેશે તેમજ કમિશન એજન્ટો-વેપારીઓએ ઉતારેલ માલને વાતાવરણને ધ્યાને લઇ ઢાંકવાની વ્યવસ્થા કરવાની રહેશે. હરરાજીનું કામકાજ માર્કેટિંગ યાર્ડની વ્યવસ્થાને ધ્યાને લઇ કરવામાં આવશે.