વૈશ્વિક સ્તરે પરમાણુ હથિયારોની વર્તમાન સ્થિતિસિપ્રી (SIPRI) ના સત્તાવાર અહેવાલ અનુસાર, જાન્યુઆરી 2026 સુધીમાં સમગ્ર વિશ્વમાં કુલ પરમાણુ શસ્ત્રો (વોરહેડ્સ) ની સંખ્યા ઘટીને 12187 પર પહોંચી ગઈ છે, જે વર્ષ 2025 માં 12241 જેટલી હતી. વિશ્વના બે સૌથી શક્તિશાળી દેશો રશિયા અને અમેરિકાએ પોતાના જૂના પરમાણુ હથિયારોને નષ્ટ કરવાની પ્રક્રિયાના ભાગરૂપે શસ્ત્રોની સંખ્યામાં ઘટાડો કર્યો છે. જોકે, સંરક્ષણ નિષ્ણાતોએ ચેતવણી આપી છે કે આ ઘટાડો ક્ષણિક હોઈ શકે છે, કારણ કે ઘણી સત્તાઓ આધુનિક પરમાણુ પ્રણાલીઓ તૈનાત કરવાની તૈયારી કરી રહી છે.

ભારતની વ્યૂહાત્મક શક્તિમાં નોંધપાત્ર વધારો

એશિયા ખંડમાં બદલાતા ભૌગોલિક સમીકરણો વચ્ચે ભારતે પોતાની સંરક્ષણ પ્રણાલીને વધુ મજબૂત બનાવી છે. વર્ષ 2025 માં ભારત પાસે 180 પરમાણુ વોરહેડ્સ હોવાનો અંદાજ હતો, જે વર્ષ 2026 માં વધીને 190 પર પહોંચી ગયો છે. આ વધારો દેશની સ્વાયત્ત સુરક્ષા અને સૈન્ય ક્ષમતાના વિસ્તારને દર્શાવે છે. આ મામલે ભારતે પોતાના પડોશી દેશ પાકિસ્તાનને પાછળ છોડી દીધું છે. પાકિસ્તાનનો પરમાણુ ભંડાર વર્ષ 2025 ની જેમ વર્ષ 2026 માં પણ કોઈપણ ફેરફાર વગર 170 પર સ્થિર રહ્યો છે.કયા 

 કયા દેશ પાસે કેટલા પરમાણુ બોમ્બ છે?

અહેવાલ મુજબ વૈશ્વિક સ્તરે પરમાણુ મહાસત્તા ધરાવતા પ્રમુખ દેશોના સત્તાવાર આંકડા નીચે મુજબ વર્ણવવામાં આવ્યા છે

રશિયા: વર્ષ 2025 માં 5469 | વર્ષ 2026 માં 5420
અમેરિકા: વર્ષ 2025 માં 5177 | વર્ષ 2026 માં 5042
ચીન: વર્ષ 2025 માં 600 | વર્ષ 2026 માં 620
ફ્રાન્સ: વર્ષ 2025 માં 290 | વર્ષ 2026 માં 370
બ્રિટન: વર્ષ 2025 માં 225 | વર્ષ 2026 માં 225
ભારત: વર્ષ 2025 માં 180 | વર્ષ 2026 માં 190
પાકિસ્તાન: વર્ષ 2025 માં 170 | વર્ષ 2026 માં 170
ઇઝરાયેલ: વર્ષ 2025 માં 90 | વર્ષ 2026 માં 90
ઉત્તર કોરિયા: વર્ષ 2025 માં 50 | વર્ષ 2026 માં 60