ખંભાળિયા શહેરમાં નકલી અધિકારી બનીને કારમાં લાલ લાઈટ ફીટ કરાવી રોફ જમાવતા ફરતા આરોપી જીલ ભરતભાઈ પંચમતીયા પાસેથી નકલી અધિકારીની હોદ્દાની પ્લેટ, લેટર, ઓળખકાર્ડ, સરકારી ગાડી જેવી નંબર પ્લેટ, સહિત અનેક બોગસ દસ્તાવેજ પોલીસે કબજે કર્યા છે. આ પ્રકરણમાં અન્ય એક આરોપી કેશાબેન કેતનભાઈ દેસાઈ વિરુદ્ધ પોલીસ મથકમાં ભારતીય ન્યાય સંહિતાની જુદી જુદી કલમ હેઠળ ગુનો નોંધાયો હતો. જે સંદર્ભે પોલીસે આરોપીની કેશાબેન દેસાઈની ધરપકડ કરી જેલ વાલે કર્યા હતા.

આ પ્રકરણમાં આરોપી કેશાબેન દ્વારા જામીન મુક્ત થવા માટે ખંભાળિયાના પ્રિન્સિપાલ ડીસ્ટ્રીકટ એન્ડ સેશન્સ જજ સમક્ષ અરજી દાખલ કરવામાં આવતા આ પ્રકરણમાં કેશાબેન દેસાઈના વકીલ ફાલ્ગુનીબેન વ્યાસ, પ્રજ્ઞેશભાઈ ઠાકર અને પ્રતિકભાઈ જોષી દ્વારા અદાલત સમક્ષ કરવામાં આવેલી દલીલોને ગ્રાહ્ય રાખી, નામદાર અદાલતે આરોપીને જામીન મુક્ત કરવા હુકમ કર્યો હતો.