તાજેતરમાં સમગ્ર દેશના માર્કેટ યાર્ડના વેપારીઓ દ્રારા ચાઈનીઝ લસણની આવકનો વિરોધ કરવામાં આવી રહ્યો છે જેમાં રાજકોટ માર્કેટ યાર્ડ પણ જોડાયું છે અને તેના અનુસંધાને આવતીકાલે તા.૧૦ને મંગળવાર એક દિવસ લસણની આવકો અને વેપાર બધં રહેશે. ભારત દેશમાં ૨૦૧૪થી ચાઈનીઝ લસણ ઉપર પ્રતિબધં મુકવામાં આવ્યો છે તેમ છતાં ચાઇનીઝ લસણ અન્ય અલગ અલગ દેશોમાં ભારતમાં ઠાલવવામાં આવી રહ્યું છે જેની સામે ભારતીય વેપારીઓએ સખત વિરોધ નોંધાવ્યો છે.
વધુમાં આ અંગે રાજકોટ માર્કેટ યાર્ડ કમિશન એજન્ટસ એસોસિએશનના પ્રમુખ અતુલભાઇ કમાણીએ જણાવ્યું હતું કે આવતીકાલે દેશભરના વેપારીઓ દ્રારા ચાઈનીઝ લસણના વિરોધમાં લસણના વેપાર બધં રાખવામાં આવનાર હોય રાજકોટ માર્કેટ યાર્ડમાં પણ લસણની આવક અને વેપાર બધં રહેશે, આવતીકાલે યાર્ડમાં લસણની આવક નહીં કરવા યાર્ડના વહીવટી તંત્રને લેખિત જાણ કરાઇ છે તેમજ ખેડૂતોને પણ આવતીકાલે લસણ લઇને નહીં આવવા અનુરોધ કરાયો છે. વિશેષમાં પ્રા માહિતી અનુસાર રાજકોટ ઉપરાંત સૌરાષ્ટ્ર્રના અન્ય માર્કેટ યાર્ડમાં પણ આવતીકાલે લસણનો વેપાર બધં રહેશે.