દેશની હાઈ સિક્યોરિટી જેલ ગણાતી તિહાર જેલમાં ગેંગ વોરમાં કુખ્યાત ગેંગસ્ટર ટિલ્લુ તાજપુરિયા માર્યો ગયો હતો. તિલ્લુ તાજપુરિયા પર રોહિણી કોર્ટમાં ગોળીબાર કરાવવાનો આરોપ હતો, જીતેન્દ્ર ગોગી પર હત્યા કરાવવાનો આરોપ હતો.

પ્રાપ્ત માહિતી અનુસાર તિહાર જેલમાં યોગેશ ટુંડા અને તેના સાથી દીપક તેતરે તિલ્લુ પર લોખંડના સળિયાથી હુમલો કર્યો હતો. ત્યારબાદ તેને ડીડીયુ હોસ્પિટલમાં દાખલ કરવામાં આવ્યો હતો. જ્યાં સવારે 6.30 કલાકે તેનું મોત નીપજ્યું હતું. જો કે હાલમાં  તિહાર જેલ પ્રશાસન હાર્ટ એટેકના કારણે મૃત્યુ હોવાનું જણાવી રહ્યું છે. પોલીસ આ કેસની તપાસ કરી રહી છે.

તિલ્લુ તાજપુરિયા કુખ્યાત ગેંગસ્ટર નવીન બાલી, કૌશલ અને ગેંગસ્ટર નીરજ બાવનિયા સાથે તિહાર જેલમાંથી ગેંગનું સંચાલન કરતો હતો. તેનું નામ રોહિણી કોર્ટ શૂટઆઉટમાં સામે આવ્યું હતું. સપ્ટેમ્બર 2021માં રોહિણી કોર્ટમાં વકીલોના વેશમાં આવેલા બે હુમલાખોરોએ જજની સામે ગેંગસ્ટર જીતેન્દ્ર ગોગી પર ગોળીઓ ચલાવી હતી. ગોગીનું ઘટનાસ્થળે જ મોત થયું હતું. જોકે, પોલીસની જવાબી કાર્યવાહીમાં બંને શૂટરો પણ માર્યા ગયા હતા. તે સમયે ટિલ્લુ તાજપુરિયા મંડોલી જેલમાં બંધ હતો અને તેની ગોગી ગેંગ સાથે દુશ્મની હતી અને તેનું નામ આ ગોળીબારમાં જોડાયું હતું.

સુત્રોના જણાવ્યા અનુસાર ટિલ્લુની હત્યા પાછળ ગોગી ગેંગનો હાથ હોઈ શકે છે. ટિલ્લુ અને ગોગી ગેંગ વચ્ચેની દુશ્મની ઘણી જૂની છે. પરંતુ એક સમયે ટિલ્લુ અને ગોગી મિત્રો હતા. પછી દુશ્મની એવી વધી કે અત્યાર સુધી ગેંગ વોરમાં ઘણા લોકોએ જીવ ગુમાવ્યા છે. ટિલ્લુ તાજપુરિયા ગામનો રહેવાસી છે. જ્યારે જીતેન્દ્ર ગોગી અલીપુર ગામનો હતો. મિત્રતામાં તિરાડ પડ્યા બાદ બંનેએ અલગ-અલગ ગેંગ બનાવી હતી. 2010માં બહારની દિલ્હીમાં કોલેજ સ્ટુડન્ટ યુનિયનની ચૂંટણી સાથે દુશ્મનાવટની શરૂઆત થઈ, જે ગેંગ વોરમાં ફેરવાઈ ગઈ.

ટિલ્લુ તાજપુરિયા અગાઉ દિલ્હીની મંડોલી જેલમાં બંધ હતો, પરંતુ જિતેન્દ્ર ગોગીની હત્યા બાદ તેને તિહાર જેલમાં ખસેડવામાં આવ્યો હતો. તે જેલમાંથી જ પોતાના જીવનની બાબતોનું સંચાલન કરતો હતો. તેના નામ પાછળ તાજપુરિયા વિશે એવું કહેવામાં આવે છે કે તે તાજપુરિયા ગામનો રહેવાસી છે, તેથી તેણે પોતાનું નામ બદલીને ટિલ્લુ તાજપુરિયા રાખ્યું. ગેંગસ્ટર નીરજ બાવનિયા જેલમાં ગયા પછી, ટિલ્લુ અને ગોગી ગેંગ વચ્ચે વર્ચસ્વની લડાઈ ખૂબ વધી ગઈ. જેના કારણે બંને ગેંગ વચ્ચે એન્કાઉન્ટર થયું હતું અને બંને ગેંગના સભ્યોએ જીવ ગુમાવ્યો હતો.