૯ પત્તાપ્રેમીઓ પકડાયા

જામનગર નજીક હાઈવે હોટલ પાછળ તેમજ જામજોધપુરના બુટાવદર ગામમાં પોલીસે ગઈ રાત્રે બે સ્થળે જુગાર અંગે દરોડા પાડયા હતા, અને ૯ આરોપીઓની અટકાયત કરી લીધી છે.

સૌપ્રથમ દરોડો જામનગર નજીક હાઈવે રોડ ઉપર હાઇવે હોટલની પાછળ પાડવામાં આવ્યો હતો. ત્યાં જાહેરમાં ગંજી પાના વડે જુગાર રમી રહેલા લાલસુરભાઈ હીરાભાઈ ચારણ, રાયાભાઈ ભીખાભાઈ રાજાણી, ધાબાભાઈ નારણભાઈ, અને મેરૂભાઈ માલદેભાઈ છેતરીયા ની અટકાયત કરી લઇ તેઓ પાસેથી રૂપિયા ૧૮૫૯૦ ની રોકડ રકમ તેમજ જુગારનું સાહિત્ય કબજે કર્યું છે.

જુગારનો બીજો દરોડો જામજોધપુર તાલુકાના બુટાવદર ગામમાં પાડવામાં આવ્યો હતો. ત્યાંથી જુગાર રમી રહેલા લાખાભાઈ અર્જુનભાઈ કાંબરીયા, અર્જુનભાઈ શામજીભાઈ મકવાણા, બાવનજીભાઈ જીવરાજભાઈ ઝીંઝુવાડીયા, શાબાભાઈ અર્જુનભાઈ કાંબરીયા તેમજ બાવનજીભાઈ અર્જુનભાઈ કાંબલીયા ની અટકાયત કરી લઈ તેઓ પાસેથી રૂપિયા ૧૮૧૦ ની રોકડ રકમ અને જુગારનું સાહિત્ય કબ્જે કર્યું છે.