જામનગર શહેરમાં પોલીસે ગઈકાલે જુગાર અંગે જુદાજુદા બે સ્થળે દરોડા પાડ્યા હતા, અને બે મહિલા સહિત પાંચ આરોપીઓની અટકાયત કરી લીધી છે, જ્યારે અન્ય ત્રણ શખ્સો ભાગી છૂટયા હોવાથી તેઓને ફરારી જાહેર કરાયા છે.
જામનગરમાં દશામાના મંદિર નજીક ખુલ્લા ફાટક પાસે પ્રથમ દરોડો પાડવામાં આવ્યો હતો. જ્યાં જાહેરમાં ચલણી સિક્કા ઉછાળીને જુગાર રમી રહેલા બાલૂ ઉર્ફે બાલો દલુભાઈ ધારાણી, ભરત ભલજીભાઈ ગળચર અને ગીરીશ મહેશભાઈ મકવાણા નામના ત્રણ શખ્સોની અટકાયત કરી લઈ તેઓ પાસેથી રૂપિયા ૮,૧૦૨ ની રોકડ રકમ કબજે કરી છે.
આ દરોડા સમયે જાવીદ ઉર્ફે લંઘો જમાલભાઈ, ખુશાલ આઠુ (રહે. મેલડી માતાના મંદિર પાસે વાળો), અને લીલો ગઢવી નામના ત્રણ શખ્સો પોલીસને જોઈને ભાગી છૂટયા હોવાથી ત્રણેયને ફરારી જાહેર કરાયા છે.
આ ઉપરાંત જુગાર અંગે નો બીજો દરોડો જામનગરમાં શંકર ટેકરી ઈદ મસ્જિદ વાળી શેરીમાં પાડવામાં આવ્યો હતો. ત્યાંથી જાહેરમાં ગંજીપાના વડે જુગાર રમી રહેલી સલમાબેન સિરાજભાઈ સુમરા સહિત બે મહિલાની અટકાયત કરી લઇ તેઓ પાસેથી રૂપિયા ૫,૬૩૦ ની રોકડ રકમ અને જુગારનું સાહિત્ય કબજે કર્યું છે.