જંગલેશ્વરમાં મકાનમાં ચાલતા જુગાર ઉપર ભકિતનગર પોલીસે દરોડો પાડી મકાન માલિક સહીત જુગાર રમતા ૧૦ શખ્સોને ઝડપી પાડી રોકડ ૧૦,૯૪૦ની મત્તા કબ્જે કરી કાર્યવાહી કરી હતી.
પોલીસ સૂત્રોમાં નોંધાયેલી વિગત મુજબ ભકિતનગર પોલીસ સ્ટાફને ચોક્કસ બાતમી મળી હતી કે, જંગલેશ્વરમાં આવેલી એકતા કોલોની શેરી નં–૧માં રહેતો જાવેદ હનીફભાઇ બ્લોચ પોતાના ભાડાના મકાનમાં બહારથી માણસો બોલાવી નાલ ઉઘરાવી તીનપતીનો જુગાર રમાડી રહ્યો છે. જે બાતમીના આધારે પોલીસે દરોડો પાડી જુગાર રામાડનાર જાવેદ હનીફભાઇ બ્લોચ, હમજા રફીકભાઇ સૈયદ, સાબીરઅલી અબ્દુલશા શાહ (રહે બંને જંગલેશ્વર), સંદીપ ભગવાનજી પરીયા (રહે–વિનોદનગર આવાસ કવાર્ટ), મોહસીન હનીફભાઇ મન્સૂરી (રહે–કોઠારીયા મેઈન રોડ, સોમનાથ સોસાયટી), પ્રકાશ ભીખુભાઇ ઓડેદરા (રહે–અમરનાથ પાર્ક), નસિબુદિન છબનભાઈ શાહ (રહે–જંગલેશ્વર, એકતા કોલોની), સોહમ રોહિતભાઈ પરમાર (રહે–શ્રધ્ધા પાર્ક, હરીધવા રોડ), શકીલ બસીરભાઈ મીર (રહે–વિનોદ નગર કવાર્ટર), રવિ ભૂદડભાઈ સુરેલ (રહે–ગોકુલ પાર્ક, કોઠારીયા રોડ)ને ઝડપી લઇ રોકડ કબ્જે કરી ગુનો નોંધ્યો છે.