સિહોરના ઘાંઘળીમાં આવેલી એક સ્ટીલ કંપનીમાં કામ કરતા શ્રમિકો વચ્ચે ચાલી રહેલી મજાક-મશ્કરી દરમ્યાન બનેલી વિચિત્ર ઘટનામાં એક શ્રમિક યુવાનના ગુદા માર્ગે નોઝર લગાવી અન્ય શ્રમિકોએ કમ્પ્રેસર શરૂ કરી દેતા યુવાનના શરીરમાં હવા ભરવા કારણે તેની સ્થિતિ અતિ ગંભીર બની જતા તેને તાબડતોબ સારવાર માટે સર્ટી હોસ્પિટલમાં ખસેડવામા આવ્યો હતો. જ્યાં તેની હાલત નાજુક હોવાનું જાણવા મળ્યું હતું.
પ્રાપ્ત વિગતો મુજબ સિહોરના ઘાંઘળીમાં આવેલી ઈલાપ સ્ટીલ કંપનીમાં કામ કરતા કેટલાક શ્રમિકો વચ્ચે આજે વ્હેલી સવારે મજાક-મશ્કરી ચાલી રહી હતી તે દરમ્યાન બનેલી એક વિચિત્ર ઘટનામાં મુન્નાભાઈ વશરામભાઈ ગોહેલ(ઉ. વ. ૩૫)ને અન્ય સાથી શ્રમિકો એ મજાક-મશ્કરીમાં ગુદા માર્ગે નોઝર લગાવી કમ્પ્રેસર શરૂ કરી દીધું હતું. અને થોડી વારમાંજ મુન્નાભાઈના શરીરમાં હવા ભરાતા તેની સ્થિતિ ગંભીર બની જતા દોડધામ મચી હતી.
દરમ્યાનમાં મુન્નાભાઈને તાબડતોબ ૧૦૮ મારફત અત્રેની સર્ટી હોસ્પિટલના ઇમરજન્સી વોર્ડમાં  સારવાર માટે ખસેડવામાં આવ્યો હતો. જ્યાં તેની હાલત નાજુક હોવાનું જાણવા મળ્યું હતું.