ગુજરાત જાહેર સેવા આયોગ (GPSC) દ્વારા સ્પર્ધાત્મક પરીક્ષાઓની તૈયારી કરતા હજારો ઉમેદવારો માટે એક મહત્વપૂર્ણ જાહેરાત કરવામાં આવી છે. આયોગે વિવિધ વર્ગ-1, 2 અને 3 ની પરીક્ષાઓનું વર્ષ 2024 થી 2026 સુધીનું સમયપત્રક જાહેર કર્યું છે. આ જાહેરાતથી લાંબા સમયથી તૈયારી કરી રહેલા ઉમેદવારોમાં ઉત્સાહનો સંચાર થયો છે.

ગુજરાત જાહેર સેવા આયોગ (GPSC) દ્વારા સ્પર્ધાત્મક પરીક્ષાઓની તૈયારી કરતા ઉમેદવારો માટે મહત્વપૂર્ણ જાહેરાત કરવામાં આવી છે. આયોગે વિવિધ વર્ગ-1, 2 અને 3 ની પરીક્ષાઓનું વર્ષ 2024 થી 2026 સુધીનું સમયપત્રક જાહેર કર્યું છે. જેના અનુસાર, ગુજરાત મુલ્કી સેવા વર્ગ-1 તથા ગુજરાત વહીવટી સેવા વર્ગ-1 અને 2 ની પ્રિલિમ પરીક્ષાઓ 20 એપ્રિલના રોજ અને મુખ્ય પરીક્ષા 20 થી 29 એપ્રિલ દરમિયાન યોજાશે. હિસાબી અધિકારી વર્ગ-1 અને 2 ની પ્રિલિમ પરીક્ષા 6 જૂનના રોજ અને મુખ્ય પરીક્ષા 10 થી 17 ડિસેમ્બર દરમિયાન લેવાશે. રાજ્ય વેરા નિરીક્ષક વર્ગ-3 ની પ્રિલિમ પરીક્ષા 21 ડિસેમ્બરે અને મુખ્ય પરીક્ષા 1 થી 10 જૂન 2026 દરમિયાન લેવામાં આવશે.

નાયબ સેક્શન ઓફિસર/નાયબ મામલતદાર વર્ગ-3 માટે પ્રિલિમ પરીક્ષા 07 સપ્ટેમ્બરના રોજ અને મુખ્ય પરીક્ષા ફેબ્રુઆરી-2026 સુધીમાં યોજાશે. આ જાહેરાતથી લાંબા સમયથી તૈયારી કરી રહેલા ઉમેદવારોમાં ઉત્સાહનો સંચાર થયો છે. ઉમેદવારોએ GPSC ની સત્તાવાર વેબસાઈટ gpsc.gujarat.gov.in પરથી વિગતવાર માહિતી મેળવી લેવી જોઈએ અને પરીક્ષાની તૈયારી માટે સમયપત્રક પ્રમાણે આયોજન કરવું જરૂરી છે.