મોટાભાગે એવું જોવા મળતું હોય છે કે અબજોપતિઓ પ્રાણી પ્રેમી હોય છે. ખાસ કરીને કૂતરાઓ પ્રત્યેનો તેમનો પ્રેમ જોવા જેવો છે. દુનિયાના સૌથી ધનિક વ્યક્તિ ઈલોન મસ્ક પોતાના પાલતુ પ્રાણીને લઈને ઘણીવાર ચર્ચામાં રહે છે. ઈલોન મસ્કની જેમ, અન્ય અબજોપતિઓ પણ વિવિધ પ્રકારના પાલતુ પ્રાણીઓ રાખે છે.

જેમાં સૌથી પેલા આવે છે સ્પેસએક્સના સ્થાપક ઈલોન મસ્ક. જેમની પાસે ફ્લોકી નામનો જાપાની શિકારી કૂતરો છે. ફ્લોકી એ શિબા ઇનુ જાતિનો જાપાની કૂતરો છે. તેનું કદ સામાન્ય રીતે નાનું હોય છે. ફ્લોકી તેના આકર્ષક દેખાવ માટે આખી દુનિયામાં પ્રખ્યાત છે.

માર્ક ઝુકરબર્ગ પાસે પણ એક ખાસ પાલતું કૂતરો છે. માર્ક ઝુકરબર્ગનો કૂતરો બિલકુલ હોરર ફિલ્મના પાત્ર જેવો દેખાય છે. આ કૂતરો હંગેરિયન પુલી જાતિનો છે. માર્કે તેનું નામ બીસ્ટ રાખ્યું છે. તે તેના લાંબા અને વિખરાયેલા વાળ માટે જાણીતું છે. આ કૂતરો ડ્રેડલોક જેવો દેખાય છે. આ બીસ્ટ પણ કોઈ સેલિબ્રિટીથી ઓછો નથી. બીસ્ટનું પોતાનું ફેસબુક પેજ છે, જેને લાખો લોકો ફોલો કરે છે.

એમેઝોનના સ્થાપક જેફ બેઝોસ પાસે લુના નામનો એક સુંદર કૂતરો છે. તે ઘણીવાર સોશિયલ મીડિયા પર લુનાની તસવીરો પોસ્ટ કરે છે. લુના દેખાવમાં ખૂબ જ ક્યુટ અને સુંદર છે.

એ પછી ભારતીય અબજોપતિની વાત કરીએ તો અંબાણી પરિવાર પાસે પણ ઘણા પાલતુ કૂતરા છે, જેમાં ગોલ્ડન રીટ્રીવર અને પીટ બુલ જેવી જાતિઓનો સમાવેશ થાય છે. અંબાણી પાસે હેપ્પી નામનો ગોલ્ડન રીટ્રીવર કૂતરો છે. હેપ્પી સોશિયલ મીડિયા પર ખૂબ જ પ્રખ્યાત છે. રાધિકા મર્ચન્ટ અને અનંત અંબાણીના લગ્ન દરમિયાન પણ આ કૂતરો ચર્ચામાં રહ્યો હતો.

માઈક્રોસોફ્ટના માલિક બિલ ગેટ્સ પાસે બે કૂતરા છે. જેના નામ ઓરિયો અને નાયલા છે. બિલના જણાવ્યા અનુસાર આ કૂતરાઓ રાત્રે કંઈ ખાતા નથી કે ભસતા પણ નથી.