વલ્લભીપુરના દાત્રેટિયા ગામે જાહેરમાં જુગાર રમી રહેલા ચાર શખ્સોને એલસીબીએ રોકડ રૂ.૧૨,૨૧૦ ના મુદ્દામાલ  સાથે ઝડપી લીધા હતા. 
  ભાવનગર એલ.સી.બી.ના માણસો વલ્લભીપુર પોલીસ સ્ટેશન વિસ્તારમાં પેટ્રોલીંગમાં હતાં.તે દરમિયાન *બાતમી મળેલ કે, દાત્રેટીયા ગામે સંજયભાઇ વિઠ્ઠલભાઇ જાદવની પાન માવાની દુકાન પાછળ આવેલ ખુલ્લા વાડામા અમુક શખ્સો પૈસા પાના વતી તીન પતીનો હારજીતનો જુગાર રમે છે જે બાતમી આધારે બાતમીવાળી જગ્યાએ રેઇડ   કરી મુકેશ ભુપતભાઇ ટોકરાળીયા (ઉ.વ.૩૩ ધંધો-મજુરી રહે.દાત્રેટીયા તા.વલ્લભીપુર જી.ભાવનગર), ઢોલા લાલજીભાઇ મેર (ઉ.વ.૫૯ ધંધો-મજુરી રહે.કાપડીયાળી તા.બરવાળા જી.બોટાદ), નવીન ગોવીંદભાઇ ઝીંઝરીયા (ઉ.વ.૫૫ ધંધો-ખેતી રહે.ઢાઢોદર તા.બરવાળા જી.બોટાદ) અને  મનસુખ ખોડાભાઇ મેર (ઉ.વ.૫૮ ધંધો-મજુરી રહે.કાપડીયાળી તા.બરવાળા જી.બોટાદ)ને   ગંજીપત્તાના પાના-૫૨ તથા  રોકડા રૂ.૧૨,૨૧૦ના  મુદ્દામાલ સાથે ઝડપી લીધા હતા.
આ કામગીરીમાં  પોલીસ ઇન્સ.  એ.આર.વાળાના  માર્ગદર્શન હેઠળ સ્ટાફના બીજલભાઇ કરમટીયા, જયદાનભાઇ લાંગાવદરા, ફાલ્ગુનસિંહ ગોહિલ, હરિચંદ્દસિંહ દિલુભા અને  શૈલેષભાઇ ચાવડા સહિતના જોડાયા હતા.