કોંગ્રેસના રાજ્યસભા સાંસદ પ્રમોદ તિવારીએ શાંઘાઈ કોઓપરેશન ઓર્ગેનાઈઝેશન (SCO)ની બેઠકમાં વિદેશ મંત્રી ડૉ. એસ. જયશંકરનું ભાષણ, હરિયાણાના મુખ્યમંત્રી તરીકે નાયબ સૈનીની બીજી વખત શપથ ગ્રહણ સહિત ભારત અને કેનેડા વચ્ચેના સંબંધો પર પોતાની પ્રતિક્રિયા આપી છે. વિદેશ મંત્રી ડૉ. એસ. જયશંકરના ભાષણ પર પ્રમોદ તિવારીએ કહ્યું કે જ્યારે વિદેશ મંત્રી બહાર ગયા હોય ત્યારે આપણે વિરોધ પક્ષના નેતાઓને જણાવવું જોઈએ. મીડિયા અહેવાલો પરથી અમારે કેવી રીતે પ્રતિક્રિયા આપવી?

પ્રમોદ તિવારીએ કહ્યું કે પાકિસ્તાન હંમેશા આપણા દેશમાં આતંકવાદી ગતિવિધિઓ વધારી રહ્યું છે. આ પહેલા દિવંગત વિદેશ મંત્રી સુષ્મા સ્વરાજ પાકિસ્તાનની મુલાકાતે ગયા હતા. પાકિસ્તાનથી પાછા ફર્યા પછી તેમણે એ નહોતું કહ્યું કે તેમણે ત્યાં શું કર્યું? વર્ષો પહેલા વડાપ્રધાન નરેન્દ્ર મોદી આમંત્રણ વિના પાકિસ્તાન પહોંચી ગયા હતા. પીએમ મોદીએ પણ કોઈ માહિતી નથી આપી કે તેઓ પાકિસ્તાન કેમ ગયા હતા?

ભાજપે ખેડૂતોના પ્રશ્નો પર ધ્યાન આપવું જોઈએ

કોંગ્રેસના સાંસદ તિવારીએ કહ્યું કે અમે મીડિયામાંથી મળેલા સમાચારને સ્વીકારી શકતા નથી કે તે સાચા છે કે ખોટા. નાયબ સૈની બીજી વખત હરિયાણાના મુખ્યમંત્રી તરીકે શપથ લઈ રહ્યા છે. જેના જવાબમાં તેમણે કહ્યું કે  તેઓ વિવાદાસ્પદ ચૂંટણીમાં વિવાદાસ્પદ પરિણામ સાથે જીત્યા છે. તેઓએ ખેડૂતોની સમસ્યાઓ પર ધ્યાન આપવાની જરૂર છે. મોંઘવારી અને બેરોજગારી પર ધ્યાન આપવું જોઈએ. પરંતુ ભાજપ માત્ર એક મેગા ઈવેન્ટ કરવા માંગે છે જે વડાપ્રધાન નરેન્દ્ર મોદીની આદત છે.

કોંગ્રેસ સાંસદ પ્રમોદ તિવારી કેનેડાના આરોપોથી નારાજ

પ્રમોદ તિવારીએ કહ્યું કે ભારત અને કેનેડાના સંબંધો ફરી એકવાર તણાવ યુક્ત બની ગયા છે. તેના પર પ્રમોદ તિવારીએ કહ્યું કે અમે રાષ્ટ્રહિતમાં દેશની સાથે છીએ. મને લાગે છે કે વડાપ્રધાન નરેન્દ્ર મોદીએ તમામ વિરોધ પક્ષોને બોલાવીને વાત કરવી જોઈએ. કારણકે અમારી પાસે જે માહિતી છે તે મીડિયા પર આધારિત છે. અમે મીડિયા પર આધારિત માહિતી પર કેવી રીતે પ્રતિક્રિયા આપી શકીએ? અમે દેશના વડાપ્રધાનને ભરોસા સાથે કહીએ છીએ કે સમગ્ર દેશ રાષ્ટ્રીય હિત માટે એક સાથે ઉભો રહેશે. કેનેડાને આપણી સામે ખોટા આરોપો કરવાનો કોઈ અધિકાર નથી.