દરેક વ્યક્તિ ઉત્સાહ સાથે સ્વતંત્રતા દિવસની ઉજવણી કરે છે. જેની તૈયારીઓ શરૂ થઇ ગઈ છે. લોકો આઝાદીની ઉજવણી કરવા માટે અનેક રીતે પ્રયાસ કરે છે. આ દિવસે દરેક વ્યક્તિ દેશભક્તિના રંગમાં જોવા મળે છે. આ વર્ષે પણ લોકો હર ઘર તિરંગાની થીમને ફોલો કરી રહ્યા છે. તેમના ઘરે ત્રિરંગો લહેરાવવામાં આવે છે અને કેટલાક ત્રિ-રંગી પોશાક પહેરે છે અને મેક-અપ કરે છે. જો આ ખાસ અવસર પર ત્રિરંગાનો લુક ટ્રાય કરવા માંગતા હોય તો આ સરળ ટિપ્સ અપનાવી શકો છો.

ત્રિરંગી પોશાક

સ્વતંત્રતા દિવસના ખાસ અવસર પર ટ્રાઇ કલરનો આઉટફિટ પહેરી શકો છો. છોકરીઓ સફેદ સલવાર અથવા અનારકલી સૂટ સાથે કેસરી,સફેદ અને લીલા રંગનો દુપટ્ટો લગાવી શકે છે. આ સિવાય આજકાલ બજારમાં ટી-શર્ટ, સૂટ અને સાડીઓ ટ્રાય કલરમાં ઉપલબ્ધ છે. જે ટ્રાય કરી શકો છો. જ્યારે છોકરાઓ કેસરી અથવા લીલા રંગનો કુર્તો અને સફેદ પાયજામો પહેરી શકે છે.

ટ્રાઇ કલર એસેસરીઝ

અત્યારે બજારમાં તિરંગામાં એક્સેસરીઝ ઉપલબ્ધ છે. તેને સિમ્પલ ડ્રેસ સાથે પહેરી શકો છો. સફેદ સાદા સૂટ સાથે કેસરી, સફેદ અને લીલા રંગની બંગડીઓ પહેરી શકો છો. યુવકો તેમના આઉટફિટ્સ સાથે ટ્રાઇ કલરમાં બ્રેસલેટ ટ્રાય કરી શકે છે.

ટી શર્ટ

અત્યારે દેશભક્તિના નારા લખેલા ટી-શર્ટ બજારમાં ઉપલબ્ધ હશે, જે બાળકોથી લઈને પુખ્ત વયના દરેક વ્યક્તિ પહેરી શકે છે. આ પ્રકારનું ટી-શર્ટ જીન્સ સાથે પહેરી શકો છો. પુરુષો અને સ્ત્રીઓ બંને આવા ટી-શર્ટ પહેરી શકે છે.

મેકઅપ

મહિલાઓ તેમના મેકઅપમાં ટ્રાય કલર લુક આપી શકે છે. આઈશેડો સાથે મેકઅપમાં ટ્રાઈ કલર લુક આપી શકો છો. તેને આકર્ષક બનાવવા માટે  ગ્લોસી અથવા ગ્લિટર મેકઅપ પ્રોડક્ટ્સનો ઉપયોગ કરવો વધુ સારું રહેશે. નખ પર ત્રિરંગો નેટ પેઇન્ટ લગાવી શકો છો અથવા નેઇલ એક્સટેન્શન ટ્રાઇ કલરમાં કરાવી શકો છો. આની મદદથી નખ પર પતંગ બનાવી શકો છો.

નેહરુ જેકેટ ટ્રાય કરો

જો કોઈ પણ ઈવેન્ટમાં જવાનું વિચારી રહ્યા હોય તો મહિલા અને પુરૂષ બંને માટે નેહરુ જેકેટ ટ્રાય કરી શકો છો. આ જેકેટ પર ફ્લેગ બેચ મૂકી શકાય છે.