ભાણવડમાં ઝડપાયેલા ગાંજા પ્રકરણના આરોપીને પાંચ વર્ષની સખત કેદ તથા દંડ

January 31, 2025 01:48 PM

ભાણવડ વિસ્તારમાં રહેતા સાધુ કલ્યાણનાથ ગુરુ શિવનાથ નાથજીના રહેણાંક મકાનમાં પોલીસ દ્વારા કરવામાં આવેલી કાર્યવાહીમાં આ સ્થળેથી રૂપિયા ૨૬,૭૮૪ ની કિંમતનો ૪.૪૬૪ કિલો ગાંજો તેમજ મોબાઈલ, ગાંજો સેવન કરવા માટેની ચલમ વિગેરે મુદ્દામાલ કબજે લેવામાં આવ્યો હતો. જે અંગે ભાણવડ પોલીસ મથકમાં એન.ડી.પી.એસ. એક્ટ સહિતની કલમ હેઠળ ગુનો નોંધાયો હતો.

આ પ્રકરણમાં તપાસનીસ અધિકારી પી.આઈ. પી.બી. ઝાલા દ્વારા કરવામાં આવેલી કાર્યવાહી બાદ કોર્ટમાં ચાર્જસીટ રજૂ કરવામાં આવ્યું હતું. જે અંગેનો કેસ ખંભાળિયાની નામદાર એડિશનલ સેશન્સ અને સ્પેશિયલ કોર્ટમાં ચાલી જતા કોર્ટના જજ એસ.જી. મનસુરી દ્વારા આ પ્રકરણમાં સાક્ષીઓની તપાસ તેમજ અન્ય મુદ્દાઓ સાથે સરકારી વકીલ ભગીરથસિંહ એસ. જાડેજા દ્વારા કરવામાં આવેલી વિવિધ દલીલોને ગ્રાહ્ય રાખી, ઉપરોક્ત આરોપીને તકસીરવાન ઠેરવ્યો હતો.

આ પ્રકરણમાં આરોપીને પાંચ વર્ષની સખત કેદ તથા રૂપિયા ૧૦,૦૦૦ નો દંડ ફટકારતો હુકમ કરવામાં આવ્યો છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

ભાણવડમાં ઝડપાયેલા ગાંજા પ્રકરણના આરોપીને પાંચ વર્ષની સખત કેદ તથા દંડ

Recent News

Gujarat's No. 1 evening newspaper