રાજકોટ શહેરમાં કોરોના વાયરસનું સંમણ યથાવત છે. વધુ પાંચ નવા પોઝિટિવ કેસ નોંધાતા આરોગ્ય વિભાગની ટીમમાં દોડધામ વધી ગઈ છે. આ સાથે શહેરમાં કુલ કોરોના પોઝિટિવ કેસનો આંકડો ૩૭ પર પહોંચી ગયો છે, જ્યારે ૩૩ દર્દીઓ હોમ આઈસોલેશનમાં સારવાર હેઠળ છે.

આ વિસ્તારોમાં નવા કેસ મળી આવ્યા

પ્રાપ્ત વિગત મુજબ નવા નોંધાયેલા પાંચ કેસ પૈકી બે દર્દીઓની ટ્રાવેલ હિસ્ટ્રી સામે આવી છે. એક ૪૫ વર્ષીય મહિલા (માતર સોસાયટી, વોર્ડ-૧૪) વિયેતનામથી પરત ફર્યા હતા, જ્યારે ૫૨ વર્ષીય પુરૂષ (ઉમાપાર્ક, વોર્ડ-૧૦) જામનગરથી આવ્યા હતા. અન્ય કેસમાં ૫૬ વર્ષીય પુરૂષ (અતિથિ ચોક, વોર્ડ-૮), ૨૫ વર્ષીય પુરૂષ (સોપાન હાઈટ, વોર્ડ-૧) અને ૬૯ વર્ષીય મહિલા (રૈયા રૈ રોડ, વોર્ડ-૮)નો સમાવેશ થાય છે. 

હાલ પાંચેય દર્દીઓની તબિયત હાલ સ્થિર

હાલ પાંચેય દર્દીઓની તબિયત હાલ સ્થિર છે અને તેઓને હોમ આઈસોલેશનમાં રાખવામાં આવ્યા છે. મોટાભાગના દર્દીઓએ કોરોના વેક્સિનના ત્રણેય ડોઝ લીધા હોવાનું પણ સામે આવ્યું છે

આરોગ્ય વિભાગ દ્વારા નાગરિકોને સાવચેતી રાખવા અપીલ 

રાજકોટ શહેરમાં કુલ ૩૯ કેસ નોંધાયા છે, જેમાં ૪ દર્દીઓ સાઝા થઈ ચૂક્યા છે. આરોગ્ય વિભાગ દ્વારા નાગરિકોને સાવચેતી રાખવા, માસ્ક પહેરવા અને સામાજિક અંતર જાળવવા સહિતના નિયમોનું પાલન કરવા અપીલ કરવામાં આવી છે.