પોરબંદરના માધવપર ગામે આંબેડકરચોકમાં વોટસએપના ગૃપમાં સભ્યોને એડ કરીને લુડોનો જુગાર રમાડવામાં આવતો હતો ત્યારે પોલીસે દરોડો પાડીને પાંચ શખ્શોને ૭૪,૭૦૦ની રોકડ સાથે પકડી લીધા છે.
માધવપુરના માધવરાય મંદિર પાસે  માધવ મકાનમાં રહેતા દીપ કિરીટ ઠકરારે તેના મોબાઇલમાં વોટસએપ એપ્લીકેશનમાં ‘ગુજરાત લુડો ટાઇમપાસ ગેમ્સ’ નામનું  ગૃપ બનાવીને તેમા અલગ અલગ સભ્યોને એડ કરવામાં આવતા હતા અને લુડો ગેમ્સના અલગ અલગ ટેબલ બનાવીને સભ્યોને જોઇન્ટ કરીને ઓનલાઇન લુડોનો જુગાર રમાડવામાં આવતો હતો.પોલીસે દરોડો પાડીને રાત્રે સવા અગિયાર વાગ્યે દીપ કિરીટ ઠકરારની ધરપકડ કરીને ૨૪,૭૦૦ની રોકડ, ૫૦ હજારના પાંચ મોબાઇલ સહિત ૭૪,૭૦૦નો મુદામાલ કબ્જે કર્યો હતો અને જુગાર રમવા આવેલા માધવપુરના ઓશો આશ્રમ પાસે રહેતા છગન ઉર્ફે બુધો ખીમા માલમ, પાતા ગામના દળ વિસ્તારમાં રહેતા વિક્રમ હાથીયા પરમાર, પાતા ગામની પંચાયત ઓફિસ પાસે રહેતા જખરા ઉર્ફે જેરી રણમલ મોઢા અને માધવપુરની જુની ટોકીઝ પાછળ સ્મશાન પાસે રહેતા અસ્લમ અબ્બાસ જોખીયાને પકડીને આગળની કાર્યવાહી હાથ ધરવામાં આવી છે.