ખંભાળિયા વિસ્તારમાં હોમગાર્ડની ફરજ બજાવતા જવાનો ફાયર સેફ્ટી અંગેની તાલીમથી સુસજ્જ બની રહે તે હેતુથી જિલ્લા ફાયર ઓફિસર મિતરાજસિંહ પરમાર તેમજ તેમની ટીમ દ્વારા ખંભાળિયા હોમગાર્ડ વિભાગના કર્મચારીઓને આગ સામે સાવચેતી તેમજ પગલાં અંગેની તાલીમ આપવામાં આવી હતી. જેમાં ફાયર સ્ટાફ દ્વારા હોમગાર્ડને પ્રેક્ટીકલ રીતે વિવિધ માર્ગદર્શન અપાયું હતું. આ પ્રોજેક્ટમાં ડિસ્ટ્રિક્ટ કમાન્ડન્ટ સંદીપભાઈ ખેતિયા, હોમગાર્ડના ભૂતપૂર્વ ઓફિસર મલકાન સાથે હોમગાર્ડના જવાનોએ જોડાઈને જરૂરી તાલીમ મેળવી હતી.

આ કાર્યક્રમમાં જિલ્લા કમાન્ડન્ટ સંદીપભાઈ ખેતિયા દ્વારા ફાયર સેફ્ટી ઓફિસર મિતરાજસિંહ પરમારનું દ્વારકાધીશના ઉપર્ણા તેમજ સ્મૃતિચિહ્ન વડે સન્માન કરવામાં આવ્યું હતું.