એમએસપી પર કાયદો બનાવવા સહિતની વિવિધ માંગણીઓ સાથે દિલ્હી સુધી કૂચ કરનારા ખેડૂતોએ હરિયાણા સરહદને અડીને પંજાબની શંભુ બોર્ડર પર મોરચો માંડ્યો છે. ખેડૂત નેતાઓએ બુધવારે કહ્યું કે જ્યાં સુધી કેન્દ્ર સરકાર સાથે વાતચીત નહીં થાય ત્યાં સુધી તેઓ આગળ વધશે નહીં. આજે ચંદીગઢમાં ખેડૂત નેતાઓ અને કેન્દ્રીય મંત્રીઓ વચ્ચે ત્રીજા રાઉન્ડની વાતચીત થશે.

ખેડૂતો અને સરકાર વચ્ચેની બેઠકનો ત્રીજો રાઉન્ડ સાંજે શરૂ થશે જેમાં કેન્દ્રીય પ્રધાન પીયૂષ ગોયલ, કેન્દ્રીય કૃષિ પ્રધાન અર્જુન મુંડા અને ગૃહ રાજ્ય પ્રધાન નિત્યાનંદ રાય હાજરી આપશે જ્યારે ખેડૂતો વતી જગજીત સિંહ દલ્લેવાલ, સર્વનસિંહ પંઢેર, રમણદીપ માન વગેરે ખેડૂત આગેવાનો ભાગ લેશે.