ઓરિસ્સાથી ગાંજો મગાવનાર રાજકોટના આકાશની શોધખોળ

  • August 24, 2023 03:52 PM 
Aajkaal Daily (Desh Pardesh Ni Aajkaal)


રેલવે એસોજીની ટીમ ઓરિસ્સાના દંપતીને ૮ કિલો ગાંજાના જથ્થા સાથે ઝડપી લઇ તેની પૂછતાછ હાથ ધરી હતી.ઓરિસ્સાથી ગાંજાનો જથ્થો રાજકોટમાં રહેતા આકાશ નામના શખસે મંગાવ્યાનું માલુમ પડતા પોલીસે આ શખસને ઝડપી લેવા તપાસ હાથ ધરી છે.

જાણવા મળતી વિગતો મુજબ, રાજકોટ રેલવે પોલીસના પીઆઇ એ.બી.અસારી, પીએસઆઇ જે.એચ.ચુડાસમાની રાહબરીમાં રેલ્વે એસોજીના હેડ કોન્સ્ટેબલ, સિધ્ધરાજસિંહ,હિતેશભાઈ અને રવિરાજસિંહ સહિતનાઓ પેટ્રોલિંગમાં હતા. દરમિયાન પ્લેટફોર્મ નંબર ૧ પર પાણીના પરબની સામે એક પુષ અને એક મહિલા શંકાસ્પદ હાલતમાં જણાતા પોલીસે બંનેને અટકાવી તેમની પૂછતાછ કરતા બંને ગભરાઈ ગયા હતા જેથી પોલીસે આ શખસની અગં જડતી લેતા તેની ૮.૨૬૨ કિલો ગાંજાનો જથ્થો મળી આવ્યો હતો. જેથી પોલીસે બંનેની અટકાયત કરી હતી.બંનેની પૂછતાછ કરતા તેમના નામ નરેન્દ્ર બલદેવ દીપ(ઉ.વ ૪૨ રહે. સિરાજપાલી ઓરિસ્સા) અને મહિલા તેની પત્ની પાયલ(ઉ.વ ૪૨) હોવાનું માલુમ પડું હતું.



પોલીસે પકડાયેલા આ શખસની પૂછતાછ કરતા તેણે જણાવ્યું હતું કે, તેનો મોબાઈલ ફોન મારફતે રાજકોટના આકાશ નામના સાથે સંપર્ક થયો હતો.અને આ આકાશે ઓરિસ્સાથી ગાંજાનો આ જથ્થો મંગાવ્યો હતો. આરોપીની આ કબુલાતના આધારે પોલીસે ગાંજાનો જથ્થો મંગાવનાર આકાશને ઝડપી લેવા તપાસ હાથ ધરી છે.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application