સોના અને ચાંદીના ભાવમાં ચાલુ સપ્તાહે વધુ ઘટાડો જોવા મળી શકે છે. જોકે, નિષ્ણાતોએ જણાવ્યું છે કે બુલિયન બજારમાં અસ્થિરતા ચાલુ રહેવાની શક્યતા છે. નિષ્ણાતોએ જણાવ્યું હતું કે રોકાણકારો ફુગાવા, કુલ સ્થાનિક ઉત્પાદન (જીડીપી) અને ફેડરલ રિઝર્વ નીતિઓ જેવા મુખ્ય યુએસ આર્થિક ડેટા પર નજીકથી નજર રાખી રહ્યા છે.

નિષ્ણાતોના મતે, વેપારીઓ સંભવિત વ્યાજ દર ઘટાડાના સમય અને ગતિને સમજવા માટે યુએસ લેબર ડેટા, ફેડરલ ઓપન માર્કેટ કમિટીની બેઠકની મિનિટ્સ અને ફેડ અધિકારીઓના નિવેદનોનું નિરીક્ષણ કરશે.

જેએમ ફાઇનાન્શિયલ સર્વિસીસ લિમિટેડના વાઇસ પ્રેસિડેન્ટ (ઇબીજી, કોમોડિટી અને કરન્સી રિસર્ચ) પ્રણવ મીરે જણાવ્યું હતું કે સોના અને ચાંદીના ભાવમાં વધુ મજબૂતી જોવા મળી શકે છે, પરંતુ આગામી યુએસ જીડીપી અને વ્યક્તિગત વપરાશ ખર્ચ (પીસીઇ) ફુગાવાના આંકડા અને ફેડરલ રિઝર્વ અધિકારીઓની ટિપ્પણીઓ પર ધ્યાન કેન્દ્રિત થતાં અસ્થિરતા રહેશે.

સ્થાનિક બજારમાં, મલ્ટી કોમોડિટી એક્સચેન્જ (એમસીએક્સ) પર ચાંદીના વાયદા ગયા અઠવાડિયે રૂ. 5,532 અથવા 2.2 ટકા ઘટ્યા હતા, જ્યારે સોનાના ભાવ રૂ. 444 અથવા 0.3 ટકા વધ્યા હતા.

એન્જલ વનના વાઇસ પ્રેસિડેન્ટ (સંશોધન, બિન-કૃષિ કોમોડિટીઝ અને કરન્સી) પ્રથમેશ માલ્યાએ જણાવ્યું હતું કે, ફેબ્રુઆરી 2026માં સોનાના ભાવ ઘટીને રૂ.1,80,000 પ્રતિ 10 ગ્રામના ઉચ્ચતમ સ્તરથી લગભગ રૂ.1,53,800 પ્રતિ 10 ગ્રામ થયા છે.

આજે ચાંદી નવ હજાર અને સોનું 1700 તૂટ્યું

આજે બજાર ખુલતા જ એમસીએક્સ પર ચાંદીમાં 9152 રૂપિયા તૂટી છે. પાછલા બંધનો ભાવ 2,44,360 રૂપિયા હતો. જ્યારે આજે નવ હજારથી વધુ રૂપિયા તૂટી એક કિલો ચાંદીનો ભાવ 2,35,208 થઈ ગયો છે. જ્યારે સોનાની વાત કરીએ તો એમસીએક્સ પર બજાર ખુલતા જ 1708 રૂપિયા તૂટ્યું છે. પ્રતિ 10 ગ્રામ પાછલા બંધનો ભાવ 1,55,895 હતો. જ્યારે આજે 1700 રૂપિયાથી વધુ તૂટી 1,54,187 થઈ ગયો છે.