મેડિકલ જર્નલ ધ લેન્સેટ ગ્લોબલ હેલ્થમાં પ્રકાશિત થયેલા એક અભ્યાસ અનુસાર, લગભગ 50% ભારતીય પુખ્ત વયના લોકો અસ્વસ્થ છે અને પયર્પ્તિ શારીરિક પ્રવૃત્તિ માટે વિશ્વ આરોગ્ય સંસ્થાની ગાઈડલાઇન્સનું પાલન નથી કરતાં.
2000 થી 2022 દરમિયાન 197 દેશો અને પ્રદેશોમાં હાથ ધરવામાં આવેલા સંશોધનમાં 2022 માં 52.6% સ્ત્રીઓ અને 38.4% પુરૂષો શારીરિક રીતે નિષ્ક્રિય હોવાનું જણાયું હતું, જેમાં નોંધપાત્ર લિંગ અસમાનતા બહાર આવી હતી. તારણોનું સૌથી ચિંતાજનક પાસું ભારતીય પુખ્ત વયના લોકોમાં અપૂરતી શારીરિક પ્રવૃત્તિના વ્યાપમાં મોટો વધારો હતો, જે 2000 માં 22.4% થી વધીને 2022 માં 45.4% થયો હતો. જો આ ટ્રેન્ડ ચાલુ રહેશે, તો 2030 સુધીમાં નિષ્ક્રિયતાનું સ્તર વધીને 55% થવાનો અંદાજ છે. શ્રેષ્ઠ સ્વાસ્થ્ય જાળવવા માટે, ડબલ્યુએચઑ ભલામણ કરે છે કે પુખ્ત વયના લોકો દર અઠવાડિયે 150 મિનિટની મધ્યમ- શારીરિક પ્રવૃત્તિ કરવી આ દિશાનિર્દેશોનું પાલન કરવામાં નિષ્ફળતા ગંભીર સ્વાસ્થ્ય પરિણામો તરફ દોરી શકે છે.
શારીરિક રીતે નિષ્ક્રિય પુખ્ત લોકોનું શરીર અલગ અલગ કાર્ડિયોવેસ્ક્યુલર રોગો વિકસાવવા માટે વધુ સંવેદનશીલ હોય છે અને તેમને પ્રકાર ટાઈપ 2 ડાયાબિટીસ, સ્તન અને આંતરડાના કેન્સરનું જોખમ વધારે હોય છે. નિષ્ક્રિયતા શારીરિક અને માનસિક બંને સમસ્યાઓ તરફ દોરી શકે છે. આધુનિક ઓફિસ વર્ક ઘણીવાર શારીરિક પ્રવૃત્તિને પ્રોત્સાહિત કરતું નથી. આ અહેવાલ બેઠાડુ જીવનશૈલીના જોખમો પર યોગ્ય રીતે ભાર મૂકે છે. આપણે આપણા શરીરના સ્વાસ્થ્યને પ્રાથમિકતા આપવી જોઈએ અને તેની કાળજી લેવા માટે સમય કાઢવો જોઈએ.
ડોકટરોના જણાવ્યા મુજબ, શારીરિક પ્રવૃત્તિનો અભાવ અને બિનઆરોગ્યપ્રદ ખોરાકનો વપરાશએ આ જીવનશૈલીના રોગોમાં વધારો કરવા માટેનું મુખ્ય પરિબળ છે. મોબાઈલ ફોન પર દરેક વસ્તુ ઉપલબ્ધ હોવાથી, લોકોએ બજારમાં જવાનું બંધ કરી દીધું છે, જેનાથી શારીરિક પ્રવૃત્તિઓમાં વધુ ઘટાડો થયો છે. ઓફિસમાં નાસ્તા અને પીણાંની ઉપલબ્ધતાએ કર્મચારીઓને બહાર જવાની જરૂરિયાત પણ મર્યિદિત કરી છે. આ બેઠાડુ જીવનશૈલી તમામ વય જૂથોને અસર કરે છે. અમારી ઓપીડીમાં, અમે બેઠાડુ જીવનશૈલી અને નબળા આહારને લગતી ઓર્થોપેડિક સમસ્યાઓ ધરાવતા દર્દીઓની સંખ્યા એક મહિનામાં 15 થી 25 ની વચ્ચે જોવા મળે છે. આ દશર્વિે છે કે આ સ્થિતિ વધી રહી છે.
ડોકટરે વધુમાં જણાવ્યું જતું કે, બેઠાડુ જીવનશૈલી અને જંક ફૂડનું સેવન રોગોમાં મુખ્ય ફાળો આપ્નાર છે, આમાં ઑસ્ટિયોપોરોસિસનો સમાવેશ થાય છે, જેમાં વજન વહન કરવાની કસરતનો અભાવ હાડકાં નબળા પાડે છે, અને ઑસ્ટિયોઆર્થરાઇટિસ, જે નબળા આહાર અને નિષ્ક્રિયતાને કારણે વધી જાય છે. લોકોમાં પીઠનો દુખાવો એ બીજી સામાન્ય સમસ્યા છે. 40-65 વર્ષની વયના વયસ્કો ઓર્થોપેડિક સ્વાસ્થ્યના સંદર્ભમાં બેઠાડુ જીવનશૈલીથી સૌથી વધુ પ્રભાવિત થાય છે. આ વય જૂથમાં ઘણીવાર ડેસ્ક જોબ અને બેઠાડુ ટેવો હોય છે, જે મસ્ક્યુલોસ્કેલેટલ સમસ્યાઓ તરફ દોરી જાય છે.
ડોક્ટરે હૃદય અને મગજ બંનેને અસર કરતા કાર્ડિયોવેસ્ક્યુલર રોગોના સંદર્ભમાં બેઠાડુ જીવનશૈલી સાથે સંકળાયેલા નોંધપાત્ર સ્વાસ્થ્ય જોખમો પર ભાર મૂક્યો છે, આ રોગો એવા લોકો માટે ચિંતાનો વિષય છે જેઓ ન્યૂનતમ શારીરિક પ્રવૃત્તિમાં જોડાય છે. બેઠાડુ જીવનશૈલી હાઈ બ્લડ પ્રેશર, ડાયાબિટીસ અને સ્થૂળતા જેવી સમસ્યાઓ સાથે પણ જોડાયેલી છે. તાજેતરના વર્ષોમાં, યુવા જીવનશૈલીની આદતોમાં નોંધપાત્ર ફેરફાર થયો છે. યુવા પેઢીને પણ અસર થઈ રહી છે, ઘણા લોકો કોમ્પ્યુટર પર કામ કરે છે અને તેમની વચ્ચે ઓનલાઈન મીટિંગ્સ અને ઓછી એક્ટિવિટી સામાન્ય બની રહી છે. તેમણે કહ્યું કે મહિલાઓ પુરુષો કરતાં વધુ નિષ્ક્રિય જીવનશૈલી જીવે છે. ઘણી સ્ત્રીઓ માને છે કે રસોડામાં કામ કરવું અને ઘરનું કામ કરવું એ મહત્વપૂર્ણ શારીરિક પ્રવૃત્તિ છેે.