યુરોપિયન દેશોએ અમેરિકા અને ઈરાન વચ્ચેના સંભવિત કરાર અંગે ચિંતા વ્યકત કરી છે. તેમનું કહેવું છે કે કોઈપણ ઉતાવળિયા કરાર વિપરીત પરિણામ લાવી શકે છે. રાજદ્રારીઓએ ચેતવણી આપી છે કે યુરેનિયમ સંવર્ધન અને પ્રતિબંધોમાં રાહત સંબંધિત તકનીકી વિવાદો હજુ પણ વણઉકેલાયેલા છે. ઈરાન ગેરંટી ઇચ્છે છે અને યુરોપ આ પ્રક્રિયામાં સક્રિય ભાગીદારીની માંગ કરી રહ્યું છે.
તેહરાન સાથે વાટાઘાટોનો અનુભવ ધરાવતા રાજદ્રારીઓ કહે છે કે યુરોપિયન સાથીઓને ડર છે કે બિનઅનુભવી યુએસ વાટાઘાટકારો ઈરાન સાથે ઉતાવળમાં અને હેડલાઇન્સ–ક્રેઝી કરાર માટે દબાણ કરી રહ્યા છે, જે સમસ્યાઓ ઉકેલવાને બદલે વધુ ખરાબ કરી શકે છે.તેમને ચિંતા છે કે રાષ્ટ્ર્રપતિ ડોનાલ્ડ ટ્રમ્પ માટે રાજદ્રારી વિજયનો દાવો કરવા આતુર વોશિંગ્ટન, ઈરાનના પરમાણુ કાર્યક્રમ અને પ્રતિબંધોમાં રાહત પર એક સુપરફિસિયલ કરાર પર હસ્તાક્ષર કરી શકે છે, જેના કારણે ટેકનિકલ વાટાઘાટોમાં મહિનાઓ કે વર્ષેા ફરીથી ફસાઈ જશે.
રોઇટર્સના જણાવ્યા અનુસાર, એક વરિ યુરોપિયન રાજદ્રારીએ જણાવ્યું હતું કે, ચિંતા એ નથી કે કોઈ સોદો થશે નહીં, પરંતુ એક ખરાબ પ્રારંભિક કરાર થઈ શકે છે, જે પછીથી ઘણી સમસ્યાઓ ઊભી કરશે.
વાટાઘાટોની શૈલી, ટીમ, ઉદ્દેશ્યો અને ઉતાવળિયા કરારના સંભવિત જોખમો વિશેના પ્રશ્નોના જવાબમાં, વ્હાઇટ હાઉસે ટીકાને ફગાવી દીધી છે. વ્હાઇટ હાઉસના પ્રવકતા અન્ના કેલીએ કહ્યું, રાષ્ટ્ર્રપતિ ટ્રમ્પ પાસે યુનાઇટેડ સ્ટેટસ અને અમેરિકન લોકોના હિતમાં સારા સોદા કરવાનો સાબિત રેકોર્ડ છે, અને તેઓ ફકત એવા કરારને સ્વીકારશે જે પઅમેરિકા ફસ્ર્ટથ ને પ્રાથમિકતા આપે.
૨૦૦૩માં ઈરાન સાથે વાટાઘાટો શ કરનારા ફ્રાન્સ, બ્રિટન અને જર્મનીના રાજદ્રારીઓ કહે છે કે તેમને હવે આ પ્રક્રિયામાંથી દૂર કરવામાં આવ્યા છે. ૨૦૧૩ અને ૨૦૧૫ની વચ્ચે, આ ત્રણેય દેશોએ યુનાઇટેડ સ્ટેટસ સાથે મળીને ઈરાનના પરમાણુ કાર્યક્રમને પ્રતિબંધોમાં રાહત આપવાના બદલામાં નિયંત્રિત કરવા માટે જોઈન્ટ કોમ્પ્રીહેન્સિવ પ્લાન ઓફ એકશન તરીકે ઓળખાતા કરારમાં મધ્યસ્થી કરી હતી