પૂર્વ આફ્રિકન દેશ ઇથોપિયાએ સુરક્ષા કારણોસર લેબનોનની રાજધાની બૈરૂતથી તેના 164 નાગરિકોને પાછા બોલાવ્યા છે. ઇથોપિયાના વિદેશ મંત્રાલયે જણાવ્યું હતું કે ઇથોપિયાની રાજધાની અદીસ અબાબાના આંતરરાષ્ટ્રીય એરપોર્ટ પર આ નાગરિકોનું સ્વાગત કરવામાં આવ્યું હતું.સંયુક્ત રાષ્ટ્રની એજન્સી, ઇન્ટરનેશનલ ઓર્ગેનાઇઝેશન ફોર માઇગ્રેશનના ડેટા અનુસાર, ઇથોપિયનો લેબનોનમાં સૌથી મોટા સ્થળાંતર કરનારા જૂથોમાંના એક છે. યુદ્ધ વધવાની આશંકા વચ્ચે ઇથોપિયાએ પોતાના દેશના નાગરિકોનું હિત વિચારી અમલ કરી લીધો.જણાવી દઈએ કે લેબેનોનમાં મોટા પાયે ઇથોપિયાના શરણાર્થીઓ વસી રહ્યા છે.
ઇથોપિયાના શરણાર્થી ડિરેક્ટર જનરલ તૈયબા હસન અને વિદેશ મંત્રાલયના અધિકારીઓ દ્વારા નાગરિકોનું સ્વાગત કરવામાં આવ્યું હતું. હસને કહ્યું કે ઇથોપિયન સરકાર વિવિધ દેશોમાં સુરક્ષા સમસ્યાઓનો સામનો કરી રહેલા તેના નાગરિકોને પાછા લાવવાના પ્રયાસો કરી રહી છે. તેમણે એમ પણ કહ્યું કે ઇથોપિયા શરણાર્થી અને પરત સેવા દ્વારા વિદેશમાં મુશ્કેલ પરિસ્થિતિઓમાં રહેતા તેના નાગરિકોને સુરક્ષિત રીતે સ્વદેશ પરત મોકલવાનું કામ ચાલુ રાખશે.ઇથોપિયન સરકારે અગાઉ ઓક્ટોબર 2024 માં લેબનોનથી 51 નાગરિકોને પાછા બોલાવ્યા હતા. મંત્રાલયે જણાવ્યું હતું કે આ પગલું ઇથોપિયન સરકારની વિદેશમાં તેના નાગરિકોના કલ્યાણ પ્રત્યેની પ્રતિબદ્ધતાને પ્રતિબિંબિત કરે છે.
ઇથોપિયા અને સોમાલિયાએ પણ તાજેતરમાં દ્વિપક્ષીય સંબંધો પુન:સ્થાપિત કરવા સંમતિ દશર્વિી છે. આ કરાર ઇથોપિયાના વડા પ્રધાન અબી અહેમદ અને સોમાલીના રાષ્ટ્રપતિ હસન શેખ મોહમ્મદ વચ્ચે અદીસ અબાબામાં થયેલી બેઠક દરમિયાન થયો હતો. બંને નેતાઓએ તેમના દેશો વચ્ચે ભાઈચારાને પ્રોત્સાહન આપવા માટે દ્વિપક્ષીય સંબંધો પુન:સ્થાપિત કરવાનો નિર્ણય લીધો. તેમણે પરસ્પર હિતો માટે ગાઢ સહયોગ વધારવાનો સંકલ્પ કર્યો અને પ્રાદેશિક સ્થિરતા માટે પરસ્પર વિશ્વાસ અને આદર પર આધારિત મજબૂત સહયોગની જરૂરિયાત પર ભાર મૂક્યો.