ગિનીસ બુક વર્લ્ડ રેકોર્ડમાં સ્થાન પામેલ બાલા હનુમાનમાં વિશેષ આરતી

ગિનીસ બુક વર્લ્ડ રેકોર્ડમાં સ્થાન પામેલ જામનગરના સુપ્રસિઘ્ધ બાલા હનુમાનજી મંદિરમાં પ્રેમભિક્ષુકજી મહારાજના આશીર્વચન અને સાનિઘ્યમાં તા. ૦૧/૦૮/૧૯૬૪, શનિવારના રોજ અખંડ રામધૂનરુપી વિજયમંત્ર શ્રીરામ જય રામ જય રામ જય જય જય રામની ધૂન શરુ કરવામાં આવી હતી.
આ ધૂનને મંગળવારે તા. ૧ ઓગષ્ટના રોજ ૫૯ વર્ષ પૂર્ણ કરી ૬૦ માં વર્ષમાં મંગલ પ્રવેશ કરશે, આ નિમિતે પ્રેમભિક્ષુકજી મહારાજ પ્રેરિત બાલા સંકીર્તન મંદિર ટ્રસ્ટ જામનગર દ્વારા સાંજે ૭.૩૦ થી ૮ દરમ્યાન વિશેષ આરતીનું આયોજન કરવામાં આવ્યું છે, તો સર્વે ધર્મપ્રેમી જનતાને આ આરતીના દિવ્ય દર્શનનો અમૂલ્ય લાભ લેવા ટ્રસ્ટી મંડળ દ્વારા અનુરોધ કરવામાં આવ્યો છે.