ઇલોન મસ્કે દાવો કર્યો છે કે તેમની હત્યાના બે પ્રયાસો થયા છે. અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ પર થયેલા ઘાતક હુમલા બાદ તેમણે કહ્યું કે, તેમના પર આઠ મહિનામાં બે વખત હુમલા થયા છે. મસ્કે તેના સોશિયલ મીડિયા પર ચેતવણી આપી કે ’આવનારો સમય ખતરનાક છે. બે લોકો (અલગ અલગ પ્રસંગોએ) મારી હત્યા કરવાનો પ્રયાસ કરી ચૂક્યા છે. ટેસ્લા હેડક્વાર્ટરથી લગભગ 20 મિનિટના અંતરે ટેક્સાસમાં બંદૂકો સાથે તેમની ધરપકડ કરવામાં આવી હતી.’
ગોળીબાર બાદ ઇલોન મસ્ક ડોનાલ્ડ ટ્રમ્પ્ના સમર્થનમાં ખુલ્લેઆમ સામે આવ્યા છે. તેણે આગામી ચૂંટણીમાં ડોનાલ્ડ ટ્રમ્પ્ને સમર્થન આપવાની જાહેરાત કરી છે. મસ્કે એમ પણ કહ્યું કે આ હુમલા બાદ સીક્રેટ સર્વિસના વડાએ રાજીનામું આપી દેવું જોઈએ. આ હુમલો દશર્વિે છે કે સિક્રેટ સર્વિસ સુરક્ષામાં નિષ્ફળ રહી છે. દિવસની શરૂઆતમાં, મીડિયા ફૂટેજમાં ભૂતપૂર્વ યુએસ પ્રમુખ ડોનાલ્ડ ટ્રમ્પ્ને તેમના માથાની જમણી બાજુએ લોહી વહેતું જોવા મળ્યું હતું કારણ કે તેમના ભાષણ દરમિયાન ગોળીઓ ચલાવવામાં આવી હતી. યુએસ સિક્રેટ સર્વિસ એજન્ટો તેમને સ્ટેજ પરથી લઈ ગયા હતા. મીડિયાએ કહ્યું કે ટ્રમ્પ સુરક્ષિત અને સ્વસ્થ છે. મીડિયાએ એમ પણ કહ્યું હતું કે ગોળીબારની હત્યાના પ્રયાસ તરીકે તપાસ કરવામાં આવી રહી છે અને શૂટરને યુએસ સિક્રેટ સર્વિસ એજન્ટોએ માર્યો હતો. ડોનાલ્ડ ટ્રમ્પ્ને સપોર્ટ કરવા માટે મસ્કે મોટું દાન પણ આપ્યું છે. મસ્કે ટ્રમ્પ્ના ચૂંટણી પ્રચારનો એક ભાગ પીએસી નામની લો પ્રોફાઇલ એજન્સીને દાન આપ્યું છે. તેણે કેટલી રકમ આપી તે જાણી શકાયું નથી. તમને મસ્ક રાજકારણથી દૂર રહેવાનો દાવો કરતા રહ્યા છે. જો કે, તે હવે ઘણી વાર તેના સોશિયલ મીડિયા હેન્ડલ્સ પર વિચારોનું સમર્થન કરતો જોવા મળે છે. અત્યાર સુધી મસ્કે ક્યારેય કોઈ ઉમેદવારને સમર્થન આપ્યું નથી. આ પહેલીવાર છે જ્યારે તે ટ્રમ્પ્ના સમર્થનમાં ખુલીને સામે આવ્યા છે.