શહેરમાં જુગારના બે અલગ અલગ દરોડામાં પોલીસે નવ મહિલા સહિત ૧૧ શખસોને જુગાર રમતા ઝડપી લઇ તેમની સામે કાયદેસરની કાર્યવાહી કરી હતી.પીસીબી અને આજીડેમ પોલીસ મથકના સ્ટાફે જુગારના આ દરોડા પાડયા હતાં.
પીસીબીના ઇન્ચાર્જ પીઆઇ આર.એમ.ગોંડલીયાની રાહબરી હેઠળ ટીમ પેટ્રોલીંગમાં હતી દરમિયાન મળેલી બાતમીના આધારે ગોંડલ રોડ પર એસ.ટી વર્કશોપ પાછળ આવેલા આંબેડકરનગર શેરી નં.૫ માં રહેતી લમીબેનના મકાનમાં પોલીસે દરોડો પાડી અહીં જુગાર રમતા છ મહિલાઓને ઝડપી લીધી હતી.પોલીસે પટમાંથી રોકડ .૩૭,૫૦૦ કબજે કર્યા હતાં.જુગાર રમતા ઝડપાયેલી મહિલાઓમાં લમીબેન વાલજીભાઇ ગોહિલ(ઉ.વ ૩૫), સંગીતાબેન વિનેશભાઇ બથવાર(ઉ.વ ૩૮), મંજુલાબેન અરજણભાઇ રાઠોડ(ઉ.વ ૪૦), પ્રભાબેન વસંતભાઇ રાખોલીયા(ઉ.વ ૪૨), ગીતાબેન દિનેશભાઇ પરમાર(ઉ.વ ૪૦) અને નીમુબેન મગનભાઇ સોલંકી(ઉ.વ ૪૫) નો સામાવેશ થાય છે.
જુગારના અન્ય દરોડામાં આજીડેમ પોલીસ મથકના સ્ટાફે કાળીપાટ ગામમાં કિરણબેન નામની મહિલાના મકાનના ફળીયામાં જુગાર રમતા હરેશ વિહાભાઇ પરાલીયા, કાનજી ભગવાનજીભાઇ સરવૈયા, કિરણબેન રમેશભાઇ ગોવાણી, સજનબેન બાળુભાઇ વાળા અને પ્રજ્ઞાબેન વિનોદકુમાર કામાણીને ઝડપી લઇ તેમની પાસેથી રોકડ . ૧૩,૩૦૦ કબજે કરી કાયદેસરની કાર્યવાહી કરી હતી