૭૩ર વિજ જોડાણ તપાસાયા, જેમાંથી ૧૧૯ માં ગેરરીતિ પકડાઇ

પશ્ર્ચિમ ગુજરાત વીજ કંપની લિમિટેડ દ્વારા આજે સતત ત્રીજા દિવસે પણ જામનગર, કાલાવડ અને કલ્યાણપુર પંથકના ગ્રામ્ય વિસ્તારમાં પાવર ચોરી ઝડપી લેવા માટે ચેકિંગ કામગીરી હાથ ધરવામાં આવી હતી. જેમાં આજે કુલ રુા. ૪૨.૮૦ લાખની વીજ ચોરી ઝડપાઈ હતી, આમ માત્ર ત્રણ દિવસમાં ૧.૩૮ લાખની વિજચોરી પકડવામાં આવી હતી.
પીજીવીસીએલની કુલ બાવન ટીમ દ્વારા આજે  જામનગર અને કાલાવડ  તાલુકા નાં જગા, મેડી, ખંઢેરા, હરીપર, નવાગામ, ધૂન ધોરાજી, મોટી વાવડી અને ઉમરાળા ઉપરાંત કલ્યાણપુર તાલુકાના વિરપર, મેવાસા, રાણ, ભોગાત, દેવરિયા, ચચલાણા અને ગાંગડી ગામમાં વીજ ચેકિંગ હાથ ધરવામાં આવ્યું હતું. આ દરમિયાન કુલ ૭૩૨ વીજ જોડાણ તપાસવામાં આવ્યા હતા. તેમાંથી ૧૧૭ વીજ જોડાણમાં ગેરરિતી જણાતાં તેમના આસામીને કુલ રુા. ૪૨ લાખ ૮૦ હજારના વીજ બિલ  આપવામાં આવ્યા હતા હતાં.આમ ત્રણ  દિવસમાં કુલ રુા. ૧૩૮.૪૨ લાખની પાવર ચોરી ઝડપાઈ છે.