રાજકોટ રેલ્વે સ્ટેશન પર આજે વ્હેલી સવારે દુરન્તોમાં ચાલુ ટ્રેને ચડવા જતા વૃધ્ધ ફસાયા હતાં.આ સમયે રેલવે પોલીસના કોન્સ્ટેબલ જયેશભાઇએ જીવ જોખમમાં મૂકી તેમનો જીવ બચાવ્યો હતો.વૃધ્ધને પગમાં ઇજા પહોંચી હોય તેમને સારવાર માટે હોસ્પિટલ ખસેડવામાં આવ્યા હતાં.
મૂળ મુંબઇના કલ્પનગરી વિસ્તારમાં રહેતાં નરેન્દ્રભાઈ મેઘજીભાઈ ભાનુશાલી કામ અર્થે રાજકોટ આવ્યાં હતાં. આજે સવારે તેઓ મુંબઈ–હાપા જતી દુરન્તો ટ્રેનમાં જવા રેલ્વે સ્ટેશન પર આવ્યાં હતાં. ત્યારે ટ્રેન ચાલું થઈ જતાં ચાલુ ટ્રેને તેઓ ચડવા જતાં ટ્રેન અને પ્લેટફોર્મ પર ફસાયા હતાં. ચાલું ટ્રેન હોવાથી તેઓ ઢસડાયા હતાં.
દરમિયાન રેલ્વે પ્લેટફોર્મ પર ફરજ બજાવતાં કોન્સ્ટેબલ જયેશભાઈનું ધ્યાન જતાં તુરતં દોડી જઈ વૃધ્ધને પકડા હતાં અને પોતે જીવ જોખમમાં મૂકી વૃદ્ધને બચાવી લીધાં હતાં. બાદમાં ઘવાયેલા વૃધ્ધને સારવારમાં ખાનગી હોસ્પિટલમાં ખસેડાયા હતાં.