\
તાલાલા પોલીસ સ્ટેશન હેઠળના ખુનની કોશીશના ગુનામાં જેલ હવાલે થયા બાદ પેરોલ જમ્પ કરનાર આરોપીને પોલીસે ગેરકાયદેસર હથિયાર સાથે પકડી પાડી ધોરણસરની કાર્યવાહી હાથ ધરી છે.
આ અંગેની હકીકત મુજબ તાલાલા પોલીસ સ્ટેશન ઇ.પી.કો.કલમ 307 મુજબના ગુન્હાના સજા પામેલ આરોપી સુલતાનભાઇ રહેમતુલ્લ ાભાઇ કેવર (રહે.પાણીકોઠા) તા.30-07-2024ના દિન-07 માટે વચગાળાના જામીનપર છુટી બાદ સમયસર હાજર ન થઇ છેલ્લ ા 64 દિવસથી પેરોલ જમ્પ કરેલ હોય. જે આરોપીને પકડી પાડવા તાલાલા પોલીસ સ્ટેશનના પો.ઇન્સ જે.એન.ગઢવી સુચના કરેલ હોય જે અનુસંધાને સર્વેલન્સ સ્ટાફના ઇન્ચાર્જ એ.એસ.આઇ જોરસંગ દેવસંગ પરમાર તથા રણજીતભાઇ પરબતભાઇ ડોડીયા તથા પો.કોન્સ ભાવેશભાઇ દુદાભાઇ ગોહિલ તથા કલ્પેશભાઇ કાનાભાઇ વાઢેર તથા સિધ્ધરાજસિંહ જયસિંહ પરમાર પેટ્રોલીંગમા હતા તે દરમ્યાન મળેલ સંયુકત બાતમી હકિકતના આધારે પાણીકોઠા ગામે લેરીયા પીરની દરગાહથી થોડે આગળ વાડી વિસ્તાર તરફ જતા કાચા રસ્તે ઉપરોક્ત આરોપીને ખુલ્લ ી જગ્યામાં ગે.કા લાયસન્સ કે પરવાના વગર દેશી જામગરી બંદુક-01 કિ.રૂ.1,000ના હથીયારના મુદામાલ સાથે પકડી પાડી આરોપી વિરૂધ્ધ તાલાલા  પોલીસ દ્વારા એકટ કલમ 25(1-બી)એ,29 તથા જી.પી.એકટ કલમ 135 ગુન્હો રજી કરી કાયદેસરની કાર્યવાહી કરવામા આવી હતી.