મુંબઈના પ્રખ્યાત સિદ્ધિવિનાયક મંદિરમાં ભક્તોને પ્રવેશ માટે ખાસ ’ડ્રેસ કોડ’અમલમાં લાવવામાં આવનાર છે. હવેથી અહી ટૂંકા સ્કર્ટ કે ટૂંકા કપડાં પહેરીને આવતા ભક્તોને બહાર જ અટકાવવામાં આવશે. મંદિરની ગરિમા જળવાય તે માટે આ નિર્ણય લેવામાં આવ્યો હોવાનું સુત્રોએ જણાવ્યું છે. જો કે આ નિયમ કે ’ડ્રેસ કોડ’ની અમલવારી આવતા સપ્તાહથી અમલમાં આવશે.
મુંબઈ સિદ્ધિવિનાયક મંદિરમાં ભક્તો પસંદગીના કપડાં પહેરીને જઈ શકશે નહીં. આ માટે, મંદિર ટ્રસ્ટે યોગ્ય ડ્રેસ કોડ જારી કર્યો છે. આ આચારસંહિતાનું ઉલ્લંઘન કરનારાઓને બહારથી દર્શન કયર્િ વિના પાછા મોકલી દેવામાં આવશે.
આવતા અઠવાડિયાથી મુંબઈના પ્રખ્યાત સિદ્ધિવિનાયક મંદિરમાં ટૂંકા સ્કર્ટ કે ટૂંકા કપડાં પહેરેલા ભક્તોને પ્રવેશ આપવામાં આવશે નહીં. મંદિર પરિસરમાં આધ્યાત્મિક વાતાવરણ જાળવવા માટે આ જાહેરાત કરવામાં આવી હતી. આ માટે, સિદ્ધિવિનાયક ગણપતિ મંદિર ટ્રસ્ટએ યોગ્ય ડ્રેસ કોડ જારી કર્યો છે. ટ્રસ્ટનું કહેવું છે કે મંદિરમાં દર્શન કરવા માટે ભક્તોએ યોગ્ય અને શરીર ઢંકાય તેવા કપડાં પહેરવા પડશે.મુંબઈનું આ પ્રખ્યાત મંદિર પ્રભાદેવી વિસ્તારમાં બનેલું છે. ટ્રસ્ટના જણાવ્યા અનુસાર, આ અંગે ઘણી ફરિયાદો મળ્યા બાદ ’ડ્રેસ કોડ’નો આ નિર્ણય લેવામાં આવ્યો છે. આ સંદર્ભમાં, ઘણા ભક્તોએ ટ્રસ્ટને પત્ર લખીને અયોગ્ય કપડાં પહેરીને આવતા લોકો સામે વાંધો વ્યક્ત કર્યો હતો.
ટ્રસ્ટ દ્વારા જારી કરાયેલા પરિપત્ર મુજબ, કાપેલા કે ફાટેલા ટ્રાઉઝર, શોર્ટ સ્કર્ટ અથવા શરીરના ભાગો દેખાતા કપડાં પહેરેલા ભક્તોને મંદિરમાં પ્રવેશ આપવામાં આવશે નહીં. આવા ભક્તોને મંદિરની બહારથી જ પાછા મોકલી દેવામાં આવશે.
ટ્રસ્ટે સ્પષ્ટતા કરી હતી કે બધા ભક્તો દર્શન દરમિયાન આરામદાયક અનુભવે અને મંદિર પરિસરમાં શિષ્ટાચાર જાળવી શકે તે માટે ’ડ્રેસ કોડ’ લાગુ કરવામાં આવી રહ્યો છે. ટ્રસ્ટે જણાવ્યું હતું કે મંદિરમાં દરરોજ દેશભરમાંથી હજારો ભક્તો આવે છે અને ઘણા મુલાકાતીઓએ આ પોશાક અંગે ચિંતા વ્યક્ત કરી હતી, જે તેમને પૂજા સ્થળમાં અપમાનજનક લાગ્યો હતો. આ સંદર્ભમાં તેમને વારંવાર વિનંતીઓ મળી, ત્યારબાદ મંદિરની પવિત્રતા જાળવવા માટે આ ’ડ્રેસ કોડ’ લાગુ કરવાનો નિર્ણય લેવામાં આવ્યો.