કેનેડાના ઈમિગ્રેશન, રેફ્યુજીસ અને સિટીઝનશિપ મિનિસ્ટર માર્ક મિલરે કહ્યું છે કે યુનિવર્સિટીઓ અને કોલેજો એક કે બે સ્ત્રોત દેશોમાં વિદ્યાર્થીઓને શોધવાનો પ્રયાસ કરી રહી છે અને તેમના પર વધુને વધુ નિર્ભર રહે છે. મિલરે જણાવ્યું હતું કે આનો અર્થ એવો નથી કે ભારતીય વિદ્યાર્થીઓ શ્રેષ્ઠ અને તેજસ્વી નથી.

વિશ્વની સૌથી મોટી વસ્તીમાંની એક તરીકે તમે વિદ્યાર્થીઓને ભારતમાંથી આવવાની અપેક્ષા રાખશો પરંતુ અમે વિદ્યાર્થીઓમાં વિવિધતાની અપેક્ષા રાખીએ છીએ. મિલરે વિશ્વના અન્ય ખૂણેથી વિદ્યાર્થીઓને શોધવા માટે વિશ્વવિદ્યાલયો અને કોલેજોને થોડા વધુ પ્રયત્નો કરવા અને થોડા વધુ પૈસા આપવાનું આહ્વાન કર્યું. દેશમાં આવનારી પ્રતિભાઓમાં તમારે વધુ રોકાણ કરવું જોઈએ. આમાં વધુ દેશોમાં વિસ્તરણ અને તેના સંસાધનોનો વિસ્તાર કરવાનો સમાવેશ થાય છે. અમારે ખાતરી કરવાની જરૂર છે કે કેનેડિયન બ્રાન્ડ્સ શ્રેષ્ઠતા, ગુણવત્તા અને ઓછી માત્રા પર ધ્યાન કેન્દ્રિત કરે.

વિદ્યાર્થીઓની પોસ્ટ ગ્રેજ્યુએટ વર્ક પરમિટનો સમય સમાપ્ત થઈ ગયા પછી કેનેડામાં રહેતા વિદ્યાર્થીઓના મુદ્દાને સંબોધતા મિલરે કહ્યું કે કેનેડિયન વહીવટીતંત્ર યુનાઇટેડ સ્ટેટ્સમાં ટ્રમ્પ વહીવટીતંત્ર ગેરકાયદે ઇમિગ્રન્ટ્સ સાથે જે કરી રહ્યું છે તેવું કંઈપણ નહીં કરે પરંતુ, જો તમારી પાસે રહેવાનો અધિકાર નથી તો તમને દૂર કરવામાં આવશે. કેનેડામાં શિક્ષણ લેવું એ નાગરિકતાની બાંયધરી નથી આપતું.

કેનેડામાં ઉચ્ચ શિક્ષણ સંસ્થાઓમાં પ્રવેશ મેળવવા માંગતા ભારતના વિદ્યાર્થીઓને જારી કરાયેલ અભ્યાસ પરમિટની સંખ્યામાં 2023ના આંકડાની સરખામણીમાં 33 ટકાનો મોટો ઘટાડો થયો છે. ડેટા અનુસાર, 2024માં ભારતીયોને 189,070 સ્ટડી પરમિટ આપવામાં આવી હતી. જે ગયા વર્ષે 278,110 હતી, જે 32 ટકા કરતાં વધુનો ઘટાડો દર્શાવે છે.